Innlent

Þrettán sóttu um stöðu skrif­stofu­stjóra í heil­brigðis­ráðu­neytinu

Eiður Þór Árnason skrifar
Heil­brigðis­ráðu­neytið er til húsa í Skógarhlíð.
Heil­brigðis­ráðu­neytið er til húsa í Skógarhlíð. Vísir/vilhelm

Alls bárust þrettán umsóknir um embætti skrifstofustjóra skrifstofu sjúkrahúsa og sérþjónustu í heilbrigðisráðuneytinu en umsóknarfrestur rann út 1. febrúar síðastliðinn.

Þriggja manna hæfnisnefnd mun nú meta hæfni umsækjenda og skila greinargerð með niðurstöðum sínum til Svandísar Svavarsdóttur heilbrigðisráðherra, að því er fram kemur á vef Stjórnarráðsins. Mun nefndin starfa samkvæmt sérstökum reglum um ráðgefandi nefndir sem meta hæfni umsækjenda um embætti við Stjórnarráðið. 

Eftirfarandi sóttu um embættið:

Armand Krivoj, rafverktaki

Arna Þórdís Árnadóttir, fulltrúi

Bryndís Þorvaldsdóttir, sérfræðingur

Guðlaug Einarsdóttir, sérfræðingur

Guðný Birna Guðmundsdóttir, bæjarfulltrúi og kennari

Helga Harðardóttir, sérfræðingur

Ingunn Björnsdóttir, dósent og námsvistunarstjóri

Jóhann Kristjánsson, ráðgjafi

Kristín Dröfn Halldórsdóttir, verkefnastjóri

Kristín Helga B. Birgisdóttir, verkefnastjóri

Lilja Rós Kristínardóttir, liðveisla

Pranab Saikia Haloi, verkefnastjóri

Unnur Guðný Gunnarsdóttir, sérfræðingur

Formaður hæfnisnefndarinnar sem metur hæfni umsækjenda er Guðríður Þorsteinsdóttir lögfræðingur og fyrrverandi skrifstofustjóri í heilbrigðisráðuneytinu. Aðrir nefndarmenn eru Bjarni Smári Jónasson, forstjóri sjúkrahússins á Akureyri og Kristín Helgadóttir, mannauðsstjóri heilbrigðisráðuneytisins.

Vistaskipti Heilbrigðismál Stjórnsýsla

Mest lesið


Fleiri fréttir

Sjá meira


×

Mest lesið