Innlent

Náðu ekki í skottið á Banda­ríkja­mönnum sem grunaðir eru um brot á sótt­kví

Eiður Þór Árnason skrifar
Að sögn vitna sátu mennirnir á staðnum og drukku bjór frelsinu fagnandi.
Að sögn vitna sátu mennirnir á staðnum og drukku bjór frelsinu fagnandi. Vísir/vilhelm

Lögreglan á höfuðborgarsvæðinu leitar nú tveggja Bandaríkjamanna sem grunaðir eru um brot á sóttkví. Mennirnir sátu að sumbli á Lebowski bar í miðbæ Reykjavíkur á sunnudag en voru horfnir á braut þegar lögregla kom á staðinn.

Jóhann Karl Þórisson aðstoðaryfirlögregluþjónn segir í samtali við Vísi að málið sé nú í rannsókn hjá lögreglu sem reyni að hafa uppi á mönnunum.

Fréttablaðið greindi fyrst frá málinu en samkvæmt heimildum miðilsins heyrði starfsfólk barsins mennina ræða sín á milli að þeir ættu að vera í sóttkví. Í kjölfarið hafi verið óskað eftir aðstoð lögreglu.

Jóhann segir að lögreglan hafi óljósar upplýsingar um gististað mannanna og reyni nú að komast að því hvar þeir dvelja.

Faraldur kórónuveiru (COVID-19) Lögreglumál

Mest lesið


Fleiri fréttir

Sjá meira


×

Mest lesið