Einn eftir­sóttasti varnar­maður Evrópu á leið til Bayern

Upamecano leikur með RB Leipzig í dag en Englandsmeistarar Liverpool hafa verið orðaðir við leikmanninn ásamt Manchester United og Chelsea. Í dag staðfesti The Guardian að Bayern væri líklegasti áfangastaður franska varnarmannsins en hann getur yfirgefið herbúðir Leipzig fyrir litlar 37.3 milljónir punda er yfirstandandi lektíð lýkur.

David Alaba er á förum frá Bayern í sumar þar sem samningur hans rennur út og neitar Austurríkismaðurinn að skrifa undir framlengingu. Ætla Þýskalandsmeistararnir að fylla skarð hans með hinum 22 ára gamla Upamecano.

Upamecano er enn einn leikmaðurinn sem Red Bull-samsteypan kemur á kortið en Leipzig keypti hann frá RB Salzburg. Ljóst er að það er mikið áfall fyrir Leipzig að missa varnarmanninn til Bayern en liðin eru í tveimur efstu sætum þýsku úrvalsdeildarinnar.