Uppstillingarnefnd vill Helgu Völu og Kristrúnu í fyrstu sætin í Reykjavík

Elísabet Inga Sigurðardóttir skrifar 13. febrúar 2021 14:26

Kristrún Frostadóttir og Helga Vala Helgadóttir. VÍSIR

Uppstillingarnefnd Samfylkingarinnar leggur til að Helga Vala Helgadóttir, alþingiskona, skipi fyrsta sæti í Reykjarvíkurkjördæmi norður og að Kristrún Mjöll Frostadóttir, hagfræðingur, skipi sama sæti í Reykjarvíkurkjördæmi suður fyrir alþingiskosningarnar í haust.

Þá leggur nefndin til að Rósa Björk Brynjólfsdóttir vermi annað sæti listans í Reykjarvíkurkjördæmi suður og Jóhann Páll Jóhannsson í Reykjavíkurkjördæmi norður.

Allsherjarfundur um framboðslista Samfylkingarinnar í Reykjavík stendur nú yfir. Fundurinn hófst klukkan 13 og verður kosið um framboðslistann sem uppstillingarnefnd flokksins hefur lagt til í Reykjavík.

Svona er listinn sem uppstillingarnefndin leggur upp með:

Reykjavík norður

1. Helga Vala Helgadóttir, alþingismaður

2. Jóhann Páll Jóhannsson, blaðamaður

3. Dagbjört Hákonardóttir, lögfræðingur

4. Magnús Árni Skjöld, dósent

5. Ragna Sigurðardóttir, forseti UJ og læknanemi

6. Finnur Birgisson, arkitekt

7. Ásta Guðrún Helgadóttir, ráðgjafi

8. Ásgeir Beinteinsson, fyrrverandi skólastjóri

9. Magnea Marinósdóttir, alþjóðastjórnmálafræðingur

10. Sigfrús Ómar Höskuldsson, rekstrarfræðingur

11. Sonja Björg Jóhannsdóttir, deildarstjóri í leikskóla

12. Hallgrímur Helgason, rithöfundur

13. Alexanda Ýr, ritari Samfylkingarinnar

14. Hlal Jarrah, veitingamaður

15. Ing Auðbjörg Straumland, formaður Siðmenntar og kaospilot

16. Rúnar Geirmundsson, framkvæmdastjóri

17. Kolbrún Birna Hallgrímsdóttir, laganemi

18. Ólafur Örn Ólafsson, veitingamaður

19. Sólveig Ásgrímsdóttir, sálfræðingur og formaður 60+

20. Vilhjálmur Þorsteinsson, hugbúnaðarhönnuður

21. Heiða Björg Hilmisdóttir, varaformaður Samfylkingarinnar

22. Jóhanna Sigurðardóttir, fyrrverandi forsætisráðherra.

Reykjarvíkurkjördæmi suður

1. Kristrún Frostadóttir, hagfræðingur

2. Rósa Björk Brynjólfsdóttir, alþingismaður

3. Viðar Eggertsson, leikstjóri

4. Vilborg Oddsdóttir, félagsráðgjafi

5. Birgir Þórarinsson, tónlistarmaður

6. Aldís Mjöll Geirsdóttir, lögfræðingur

7. Gunnar Alexander Ólafsson, heilsuhagfræðingur

8. Ellen Calmon, borgarfulltrúi

9. Viktor Stefánsson, stjórnmálahagfræðingur

10. Elín Tryggvadóttir, hjúkrunarfræðingur

11. Hlynur Már Vilhjálmsson starfsmaður á frístundaheimili

12. Margret Adamsdóttir, leikskólakennari

13. Axel Jón Ellenarson, grafískur hönnuður

14. Ingibjörg S. Guðmundsdóttir, hjúkrunarfræðingur

15. Jakob Magnússon, veitingamaður.

16. Ingibjörg Grímsdóttir, þjónustufulltrúi

17. Jónas Hreinsson, rafiðnaðarmaður

18. Sólveig Jónasdóttir, kynningarfulltrúi Sameykis

19. Hildur Kjartansdóttir, myndlistarmaður

20. Ellert B. Schram, fyrrverandi alþingismaður

21. Sigríður Ingibjörg Ingadóttir, fyrrverandi alþingismaður

22. Dagur B. Eggertsson, borgarstjóri.

Mikil ólga er sögð vera innan flokksins vegna tillögu nefndarinnar um efstu sæti listans og sagði meðal annars Jóhanna Vigdís varaþingmaður Samfylkingarinnar sig úr flokknum fyrir helgi. Samkvæmt heimildum Vísis var henni boðið að taka þriðja sæti á lista en hún skipaði annað sæti fyrir síðustu kosningar.

Núna standa yfir umræður um tillögu uppstillingarnefndar og að umræðum loknum er það undir fundinum komið hvort listinn verði samþykktur eða honum hafnað.

Fréttin hefur verið uppfærð.

Samfylkingin Alþingiskosningar 2021 Reykjavíkurkjördæmi norður Reykjavíkurkjördæmi suður

Tengdar fréttir

Greiða atkvæði um lista Samfylkingarinnar í Reykjavík á laugardag

Uppstillingarnefnd Samfylkingarinnar í Reykjavík hefur lokið störfum og mun kynna tillögu sínar að framboðslistum flokksins í Reykjavíkurkjördæmunum tveimur fyrir komandi þingkosningar á allsherjarfundi Samfylkingarfélaganna í Reykjavík á laugardag. Kjördæmisráð flokksins í borginni mun svo greiða atkvæði um tillöguna.

11. febrúar 2021 07:40

Mikil ólga innan Samfylkingar vegna tillögu um efstu sæti á lista

Mikil ólga er innan Samfylkingarinnar. Eftir því sem Vísir kemst næst er uppstillingarnefnd nú að bera niðurstöður sínar undir þá einstaklinga sem býðst að skipa efsta sæti lista í Reykjavíkurkjördæmunum tveimur. Svo verður kosið um það upplegg á fundi á laugardaginn.

11. febrúar 2021 22:38

Mest lesið

Fleiri fréttir