Almarr til Vals

Almarr, sem varð 33 ára í gær, er þrautreyndur miðjumaður sem á að baki 231 leik í efstu deild með Fram, KR, KA og Fjölni. Hann hefur skorað 39 mörk í efstu deild.

Á síðasta tímabili lék Almarr átján leiki með KA í Pepsi Max-deildinni og skoraði eitt mark. Samningur hans við félagið rann út eftir tímabilið.

Auk Almars hefur Valur fengið Tryggva Hrafn Haraldsson, Arnór Smárason og Johannes Vall í vetur.

Valsmenn hefja titilvörn sína gegn Skagamönnum fimmtudaginn 22. apríl.