Íslenski boltinn

Blikar komnir í undanúrslit Lengjubikarsins eftir sigur á KA

Arnar Geir Halldórsson skrifar
Viktor Karl

Breiðablik verður með í undanúrslitum Lengjubikarsins eftir að hafa lagt KA-menn að velli í 8-liða úrslitum keppninnar.

Liðin áttust við á Kópavogsvelli í dag.

Jason Daði Svanþórsson kom Blikum í forystu með góðu skoti á 39.mínútu og nokkrum sekúndum síðar lagði Jason Daði upp annað mark Blika þegar hann senti boltann á Viktor Karl Einarsson sem skoraði með góðu skoti.

KA menn náðu inn marki í upphafi síðari hálfleiks þegar Spánverjinn Rodrigo Gomes Mateo skoraði eftir hornspyrnu.

Fleiri urðu mörkin ekki og 2-1 sigur Breiðabliks staðreynd. Þeir mæta Keflvíkingum í undanúrslitum.

Íslenski boltinn Breiðablik KA

Mest lesið


Fleiri fréttir

Sjá meira


×

Mest lesið