LeBron ekki brotinn en gæti verið lengi frá

LeBron James átti ekki góðan dag þegar lið hans, Los Angeles Lakers, tapaði gegn Atlanta Hawks.

LeBron þurfti að yfirgefa völlinn í öðrum leikhluta eftir að hafa snúið sig á ökkla. Góðu fréttirnar eru þær að hann er ekki brotinn, en meiðsli eins og þessi geta tekið frá sex vikum og allt upp í þrjá mánuði að jafna sig.

Seinasti leikur liðsins fyrir úrslitakeppni er 16. maí, eða eftir tæpa tvo mánuði. Það verður því að koma í ljós hvort að þessi 36 ára leikmaður sem fjórum sinnum hefur verið valinn verðmætasti leikmaður deildarinnar verði klár fyrir þann tíma.