Handbolti

Þrír íslenskir sigrar í þýska boltanum í dag

Hjörtur Leó Guðjónsson skrifar
Ómar Ingi skoraði fjögur mörk í sigri Magdeburg í dag.
Ómar Ingi skoraði fjögur mörk í sigri Magdeburg í dag.

Það var fjöldinn allur af Íslendingum í eldlínunni í þýska handboltanum í dag. Ómar Ingi Magnússon og Gísli Þorgeir Kristjánsson unnu fimm marka sigur með Magdeburg, Bjarki Már Elísson var næst markahæstur í naumum sigri Lemgo og Ýmir Örn Gíslason og félagar í Rhein-Neckar Löwen unnu sjö marka sigur.

Magdeburg vann góðan fimm marka sigur þegar Fuchse Berlin kíkti í heimsók. Ómar Ingi Magnússon skoraði fjögur mörk fyrir Magdeburg og Gísli Þorgeir Kristjánsson tvö. Magdeburg í öðru sæti deildarinna með jafn mörg stig og Flensburg sem hefur spilað þrem leikjum minna.

Ýmir Örn Gíslason og félagar í Rhein-Neckar Löwen heimsótti Leipzig og vann góðan sjö marka sigur. Liðið nú í fjórða sæti með 30 stig.

Bjarki Már Elísson skoraði fimm mörk í naumum sigri Lemgo á útivelli gegn Ludwigshafen. Lemgo voru með þriggja marka forskot þegar lítið var eftir, en voru nánast búnir að kasta sigrinum frá sér. Ludwigshafen jafnaði metin, en gestirnir skoruðu seinasta mark leiksins og Lemgo lyftir sér upp í níunda sæti deildarinnar.

Þýski handboltinn

Mest lesið


Fleiri fréttir

Sjá meira


×

Mest lesið