Fimm af sex sem greindust voru í sóttkví

Þetta kemur fram í tilkynningu frá Almannavörnum. Þar kemur einnig fram að þrír hafi greinst á landamærunum.

Rakning vegna einstaklingsins sem greindist utan sóttkvíar er hafin, að því er fram kemur í tilkynningunni, og gengur vel. Gert er ráð fyrir að fjöldi þeirra sem þurfi í sóttkví vegna smita utan sóttkvíar verði nú minni, sökum hertra samkomutakmarkana sem tóku gildi í síðustu viku.

Í tilkynningunni eru landsmenn þá hvattir til að gæta vel að persónubundnum sóttvörnum.

Fréttin hefur verið uppfærð.