Auð­jöfur í fangelsi vegna aðildar að mót­mælunum í Hong Kong

Lai, sem hefur stutt við bakið á mótmælaaðgerðum lýðræðissinna í Hong Kong, var dæmdur fyrir aðild sína að fjölmennum mótmælum í Hong Kong árið 2019 að því er segir í frétt BBC.

Hinn 73 ára Lai er stofnandi fjölmiðilsins Apple Daily og er harður andstæðingur kínverskra stjórnvalda. Kínastjórn hefur síðustu misserin unnið skipulega að því að herða tök sín í Hong Kong.

Dómstóllinn dæmdi í morgun níu manns fyrir þátttöku sína í mótmælaaðgerðum 18. ágúst 2019. Þrír til viðbótar hlutu dóma fyrir mótmæli sem fram fóru síðasta dag ágústmánaðar sama ár.

Ákæran á hendur Lai var í átta liðum, meðal annars að hann hafi gerst brotlegur við nýleg öryggislög í Hong Kong sem banna allan áróður um aðskilnað Hong Kong frá Kína og áróður gegn Kínastjórn.