Ör­ebro stein­lá gegn Hammar­by

Eins ótrúlegt og það hljómar var staðan markalaus í hálfleik en í síðari hálfleik skoruðu heimastúlkur í Hammarby fimm mörk gegn engu hjá Örebro. 

Fyrstu þrjú mörkin komu á sex mínútna kafla snemma í síðari hálfleik og var ekki að spyrja að leikslokum eftir það.

Lokatölur eins og áður sagði 5-0 Hammarby í vil. Berglind Rós Ágústsdóttir var í byrjunarliði Örebro en tekin af velli á 86. mínútu leiksins er staðan var 4-0. Cecilía Rán Rúnarsdóttir sat allan tímann á varamannabekk Örebro.

Örebro er með þrjú stig eftir þrjá leiki.