Innlent

Fimm greindust með Covid-19 í gær og einn var utan sóttkvíar

Hólmfríður Gísladóttir skrifar
Vísir/Vilhelm

Fimm greindust með Covid-19 í gær og var einn utan sóttkvíar. 173 eru nú í einangrun og fimm liggja inni á sjúkrahúsi.

Þetta kemur fram á covid.is.

Alls hafa 6.491 greinst með Covid-19 innanlands frá 28. febrúar 2020 og 48.356 lokið sóttkví.

Einn greindist með virkt smit í fyrri skimun á landamærunum í gær. Þá var einn með mótefni en beðið er mótefnamælingar hjá tveimur. 

Samkvæmt tölum sem uppfærðar voru á síðunni í morgun eru 42.301 fullbólusettir og 73.146 hafa fengið fyrri skammt. Í dag verða sex þúsund manns bólusettir með bóluefninu frá Janssen og bætast þeir samstundis í hóp fullbólusettra, þar sem aðeins einn skammt þarf af efninu.

Faraldur kórónuveiru (COVID-19) Bólusetningar

Mest lesið


Fleiri fréttir

Sjá meira


×

Mest lesið