Gylfi gaf sína fimmtugustu stoðsendingu í ensku úrvalsdeildinni

Hornspyrna Gylfa á 48. mínútu sigldi beint á höfðið á Brasilíumanninum Richarlison sem skallaði hann í netið og tryggði Everton 1-0 sigur á Úlfunum.

Gylfi er bæði markahæsti og stoðsendingahæsti leikmaður Íslands í sögu ensku úrvalsdeildarinnar.

Þetta var fimmta stoðsendingin hans á tímabilinu en hann hefur einnig skorað sex mörk. Stoðsendingar Gylfa í vetur hafa verið á Richarlison (3), Dominic Calvert-Lewin og Yerry Mina en fjórum af þessum fimm mörkum hafa verið skoruð með skalla.

Þetta var ennfremur fjórða sigurmarkið sem Gylfi leggur upp á leiktíðinni þar af hefur liðið þrjá af þeim leikjum 1-0.

Gylfi hefur einnig skorað tvö sigurmörk sjálfur og er því maðurinn á bak við sex sigurmörk Everton liðsins á leiktíðinni.

Gylfi hefur alls komið að 117 mörkum með beinum hætti á ferli sínum í ensku úrvalsdeildinni en hann er nú með 67 mörk og 50 stoðsendingar í 317 leikjum.