Lífið

Rapparinn Lil Loa­ded látinn

Atli Ísleifsson skrifar
Lil Loaded á tónleikum í Atlanta á síðasta ári.
Lil Loaded á tónleikum í Atlanta á síðasta ári. Getty

Bandaríski rapparinn Deshawn Robertson, betur þekktur undir listamannsnafninu Lil Loaded, er látinn, tvítugur að aldri.

NBC segir frá því að hann hafi látist í gær og vísar í orð lögmanns tónlistarmannsins, Ashkan Mehryari. Segir Mehryari að skjólstæðingur sinn hafi svipt sig lífi.

Lil Loaded sló í gegn með laginu 6locc 6a6y árið 2019, en lagið er nú með vel á fimmta tug milljóna hlustana á Spotify.

Robertson átti að mæta fyrir dómara í Dallas í Texas í dag, en hann hafði verið ákærður fyrir aðild að morðinu á félaga sínum Khalil Walker síðasta haust. 

Hinn átján ára Walker var skotinn til bana á heimili í miðborg Dallas þann 25. október síðastliðinn.

Fólk með sjálfsvígshugsanir er minnt á Hjálparsíma Rauða krossins, 1717, og netspjallið. Þjálfaðir og reynslumiklir sjálfboðaliðar á öllum aldri svara þeim símtölum og spjöllum sem berast. Fullum trúnaði er heitið. Nánari upplýsingar hér. Síminn hjá Pieta-samtökunum er jafnframt opinn allan sólarhringinn og er 552-2218.

Bandaríkin Tónlist Andlát


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.