Frægir hlaupa til góðs

Í tilkynningu frá forsvarsmönnum hlaupsins kemur fram að á undanförnum árum hafi met verið slegin í hlaupinu, bæði í fjölda þátttakenda og í áheitasöfnunum. 

Svo virðist sem það muni ekki taka breytingum í ár því skráningin og söfnunin fer vel af stað. 

Á meðal þeirra sem hafa skráð sig til leiks má nefna Katrínu Jakobsdóttur forsætisraðherra, sem hleypur fyrir Píeta samtökin, forvarnarsamtök gegn sjálfsvígum og sjálfskaða og Þórarinn Eldjárn rithöfund, sem hleypur fyrir minningarsjóð Kristjáns Eldjárns gítarleikara.

Hægt er að skrá sig til leiks og heita á hlaupara á www.hlaupastyrkur.is.

Þessi hafa þegar skráð sig til leiks:

Katrín Jakobsdóttir hleypur fyrir Píeta samtökin.

Þórarinn Eldjárn hleypur fyrir Minningarsjóð Kristjáns Eldjárns gítarleikara. Sjóðurinn veitir framúrskarandi tónlistarmönnum verðlaun.

Linda Ben matarbloggari hleypur fyrir Barnaspítala Hringsins, vökudeild.

Eva Ruza samfélagsmiðlastjarna hleypur fyrir Minningarsjóð Jennýjar Lilju. Vinir, kunningjar og fjölskylda Jennýar Lilju hafa hlaupið fyrir hin ýmsu málefni síðustu ár og í ár ætlar Minningarsjóður Jennýar Lilju að styrkja þyrlusveit Landhelgisgæslunnar.

G. Pétur Matthíasson, upplýsingafulltrúi Vegagerðarinnar, hleypur fyrir Alzheimersamtökin eins og hann hefur gert í mörg ár.

Kolbrún Björnsdóttir, fararstjóri og fyrrum fjölmiðlakona, hleypur fyrir Líf styrktarfélag.