Neymar lagði upp sigurmarkið þegar Brasilía fór í úrslitaleikinn

Lucas Paqueta, miðjumaður Lyon í Frakklandi, skoraði eina mark leiksins á 35. mínútu eftir að hafa fengið stoðsendingu frá Neymar. Neymar fór framhjá þremur varnarmönnum Perú áður en hann sendi boltann fyrir markið á Paqueta.

Seinni undanúrslitaleikurinn er á milli Argentínu og Kólumbíu og fer hann fram í nótt.

Það fór ekkert á milli mála hvaða lið Neymar vill fá í úrslitaleiknum. „Ég vil fá Argentínu. Ég mun hvetja þá áfram í leiknum. Ég á vini þar og svo mun Brasilía vinna úrslitaleikinn,“ sagði Neymar.

Úrslitaleikurinn verður spilaður á Maracana leikvanginum í Rio de Janeiro á laugardaginn.

Brasilía er ríkjandi meistari en liðið vann Suðurameríkutitilinn í níunda sinn árið 2018.