Sjö greindust með Covid-19 innanlands í gær

Tryggvi Páll Tryggvason skrifar 16. júlí 2021 10:30

Smitum hefur farið fjölgandi undanfarna daga. Vísir/Vilhelm

Sjö greindust með Covid-19 innanlands í gær og voru fjórir utan sóttkvíar. Þetta kemur fram í tilkynningu frá Almannavörnum.

Allir hinna smituðu voru fullbólusettir fyrir Covid-19. Þá greindust sjö með Covid-19 á landamærunum.

Frá 1. júlí hafa því 30 einstaklingar greinst með Covid-19 hér innanlands. Eftir rakningu gærdagsins eru hátt í 400 manns í sóttkví. Smitrakning stendur enn yfir og búast má við að enn fleiri fari í sóttkví eftir daginn í dag.

Þórólfur Guðnason sóttvarnalæknir sagði á upplýsingafundi Almannavarna og embætti landlæknis í gær að þrátt fyrir aukningu í fjölda smita að undanförnu væru engar tillögur um hertar aðgerðir innanlands í smíðum en það gæti breyst ef ástandið fer versnandi.

Faraldur kórónuveiru (COVID-19)

Tengdar fréttir

„Þessar tölur sýna það ótvírætt að bólusetningin virkar“

Björn Rúnar Lúðvíksson, yfirlæknir á ónæmisdeild Landspítalans, segir það alveg ljóst að virkni bóluefnanna sé gríðarlega góð.

15. júlí 2021 21:05

Aðgerðir ekki hertar: Flest smit undanfarna daga af delta-afbrigðinu

Frá 1. júlí hafa 23 einstaklingar greinst með Covid-19 hér innanlands, flest af völdum delta-afbrigðisins svokallaða. Sóttvarnalæknir er ekki með tillögur að hertum sóttvarnaraðgerðum að svo stöddu, en það gæti breyst.

15. júlí 2021 11:30