Fjöldi í sóttkví eftir að smit kom upp í sumarfrístund

Þetta kemur fram í tölvupósti frá skólastjóra Hörðuvallaskóla en þar segir að aðrir á heimilum barnanna sem ekki voru útesettir fyrir smitinu þurfa ekki að fara í sóttkví. Hins vegar þarf fullorðinn einstaklingur að fara í sóttkví með barninu.

Minnst 130 greindust með kórónuveiruna innanlands í gær, þar af 91 utan sóttkvíar. 32 sjúklingar eru innlagðir á Landspítala og hefur þeim fjölgað um 5 frá því í gær. 8 eru á gjörgæslu með Covid-19 en þeim fjölgar um 3 á milli daga.

Þá eru 1.332 í einangrun hér á landi og fjölgar um 30 einstaklinga milli daga. 1.842 eru í sóttkví eða 111 fleiri en í gær.