Innlent

Minnst 64 greindust innanlands í gær

Elma Rut Valtýsdóttir skrifar
Minnst 64 greindust með Covid-19 í gær.
Minnst 64 greindust með Covid-19 í gær. Vísir/Vihelm

Í gær greindust að minnsta kosti 64 innanlands með Covid-19, þar af 38 utan sóttkvíar. Alls liggur 31 sjúklingur inni á Landspítala og hefur þeim því fjölgað um einn frá því í gær. Sex eru á gjörgæslu með Covid-19 og hefur þeim fækkað um einn frá því í gær.

Alls eru 1.239 í einangrun hér á landi og fækkar því um 65 frá því í gær. 1.985 eru í sóttkví og eru það 194 fleiri en í gær. Einn greindist við landamæraskimun líkt og síðustu daga.

55 greindust smitaðir við einkennasýnatöku en níu við sóttkvíar- eða handahófsskimun.

Alls voru 2.642 innanlandssýni tekin síðastliðinn sólarhring og 214 sýni voru tekin við landamærin.

Þetta kemur fram í nýuppfærðum tölum á upplýsingavefnum Covid.is. Ekki liggur fyrir hvort um sé að ræða lokatölur gærdagsins en samkvæmt verklagi almannavarna verða tölurnar næst uppfærðar á morgun.

Fréttin hefur verið uppfærð.

Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið