Núgildandi sóttvarnaaðgerðir renna út á föstudag og hafa bæði heilbrigðisráðherra og sóttvarnalæknir sagt að tilefni væri til að slaka á aðgerðum. Áttatíu og fjórir greindust smitaðir innanlands í gær, tuttugu fleiri en í fyrradag, þar af voru 47 prósent utan sóttkvíar.
Samfylkingin kynnti kosningastefnuskrá sína í morgun. Formaður flokksins segir ekki þörf á að huga að endurnýjun forystunnar þótt flokkurinn hafi mælst með níu til fjórtán prósent í könnunum að undanförnu. Flokkurinn ætli að leiða saman í annars konar ríkisstjórn eftir kosningar en nú sitji.
Kamala Harris varaforseti Bandaríkjanna hvetur Víetnama til samstöðu gegn yfirgangi Kína á Suðurkínahafi. Hún greindi frá fjölbreyttum stuðningi við Víetnam í upphafi opinberrar heimsóknar sinnar þangað í morgun.
Þetta og fleira í hádegisfréttum Bylgjunnar sem einnig eru sendar út beint hér á Vísi.
