Innlent

Listi Flokks fólksins í Suður­kjör­dæmi birtur

Atli Ísleifsson skrifar
Elín Fanndal (t.v), Ásthildur Lóa Þórsdóttir (miðja) og Georg Eiður Arnarson (t.h.) eru í efstu þremur sætunum. Ásthildur Lóa er oddviti flokksins í Suðurkjördæmi.
Elín Fanndal (t.v), Ásthildur Lóa Þórsdóttir (miðja) og Georg Eiður Arnarson (t.h.) eru í efstu þremur sætunum. Ásthildur Lóa er oddviti flokksins í Suðurkjördæmi. Flokkur fólksins

Flokkur fólksins hefur gengið frá og kynnt framboðslista sinn í Suðurkjördæmi vegna þingkosninga í haust.

Ásthildur Lóa Þórsdóttir, kennari og formaður Hagsmunasamtaka heimilanna, skipar efsta sæti listans, Georg Eiður Arnarsson, hafnarvörður og trillukarl, skipar annað sætið og Elín Íris Fanndal, félagsliði og leiðsögumaður, það þriðja.

Í tilkynningu segir að Ásthildur Lóa hafi gegnt formennsku í Hagsmunasamtökum heimilanna frá árinu 2017 og barist fyrir réttindum fólks í kjölfar efnahagshrunsins 2008, ekki síst þeirra sem misstu heimili sín.

„Ásthildur hefur einnig verið virk í réttindabaráttu kennara og var kjörin í stjórn og samninganefnd félags grunnskólakennara árið 2018.“

Framboðslistinn

  1. Ásthildur Lóa Þórsdóttir, kennari og formaður Hagsmunasamtaka heimilanna
  2. Georg Eiður Arnarsson, hafnarvörður/trillukarl
  3. Elín Íris Fanndal, félagsliði/leiðsögumaður
  4. Sigrún Berglind Grétarsdóttir, leikskólaliði/öryrki
  5. Stefán Viðar Egilsson, bílstjóri
  6. Inga Helga Bjarnadóttir, sjúkraliði/öryrki
  7. Hallgrímur Jónsson, vélamaður
  8. Bjarni Pálsson, bakari
  9. Jórunn Lilja Jónasdóttir, öryrki
  10. Heiða Rós Hauksdóttir, öryrki
  11. Jóna Kerúlf, eldri borgari
  12. Guðfinna Guðný Sigurgeirsdóttir, eldri borgari
  13. Ríkarður Óskarsson, öryrki
  14. Jón Þórarinn Magnússon, golfvallarstarfsmaður
  15. Guttormur Helgi Rafnkelsson, vélvirki/eldri borgari
  16. Gunnþór Guðmundsson, eldri borgari
  17. María G. Blómkvist Andrésdóttir, eldri borgari
  18. Hjálmar Hermannsson, matsveinn/eldri borgari
  19. Ámundi Hjörleifs Elísson, eldri borgari
  20. Ísleifur Gíslason, flugvirki/eldri borgari
Alþingiskosningar 2021 Suðurkjördæmi Flokkur fólksins

Mest lesið


Fleiri fréttir

Sjá meira


×

Mest lesið