Danir af­létta öllum tak­mörkunum 10. septem­ber

Frá þessu greinir í tilkynningu frá danska heilbrigðisráðuneytinu. Dagsetningin, 10. september, mun því marka endalok átján mánaða tímabils samkomutakmarkana vegna heimsfaraldurs kórónuveirunnar í landinu.

Samkomutakmörkunum var fyrst komið á í Danmörku 11. mars 2020.

Í tilkynningu ráðuneytisins er haft eftir heilbrigðisráðherranum Magnus Heunicke að þá ákvörðun að ekki skuli skilgreina Covid-19 sem sjúkdóm sem ógni dönsku samfélagi megi rekja til að hlutfall bólusettra í landinu sé svo hátt og að Danir hafi náð tökum á faraldrinum.

Heunicke leggur þó áherslu á að faraldrinum sé ekki lokið. Sömuleiðis muni ríkisstjórnin ekki hika við að koma takmörkunum á á ný, fari faraldurinn aftur rað ógna dönsku samfélagi.