Haldlögðu kókaín að andvirði tæplega þrjátíu milljarða króna

Samkvæmt frétt breska ríkisútvarpsins er söluvirði kókaínsins sem haldlagt var 160 milljónir punda. Á gengi dagsins í dag eru 160 milljónir punda um það bil 28 milljarðar króna.

Einn mannanna sex er breti en hinir fimm eru frá Níkaragva. Þeir eru á aldrinum 24 til 49 ára.

Snekkjan sem mennirnir sigldu heitir Kahu og er skráð á Jamaíka. Henni var siglt frá Karabíahafinu en hún var stöðvuð um 130 kílómetra frá strönd Englands.

Matt Horne, yfirmaður hjá bresku löggæslustofnuninni, segir engan vafa vera á því að kókaínið hafi verið ætlað til sölu um allt Bretland.