Leið­togar ríkis­stjórnarinnar funda með seðla­banka­stjóra

Ásgeir Jónsson seðlabankastjóri var boðaður á fundinn til að ræða ríkisfjármál. 

Katrín Jakobsdóttir, formaður Vinstri grænna, Bjarni Benediktsson, formaður Sjálfstæðisflokksins, og Sigurður Ingi Jóhannsson, formaður Framsóknarflokksins, hafa frá því kosningum lauk fundað um áframhaldandi ríkisstjórnarsamstarf flokkanna þriggja. 

Fyrir kosningar hafði ríkisstjórnin 33 þingmenn en að afstöðnum kosningum státa flokkarnir þrír af 37 þingmönnum. 

Formennirnir þrír hafa gefið út að vilji er fyrir áframhaldandi ríkisstjórnarsamstarfi en að ná þurfi saman um stjórnarsáttmála.