Ný heimasíða og frábær Singles Day tilboð

Rúmfatalagerinn býður upp á dúndurafslætti á degi einhleypra sem er í dag, en þess má geta að öll Singles Day tilboðin gilda bæði í vefverslun og í öllum verslunum Rúmfatalagersins. Nýlega endurbætt og glæsileg heimasíða er komin í loftið og hillurnar svigna undan fallegri heimilisvöru, gjafa- og jólavöru. Ívar Þórður Ívarsson, verslunarstjóri í Rúmfatalagernum á Smáratorgi, segir netverslun hafa stóraukist og Rúmfatalagerinn komi sannarlega til móts við viðskiptavini.

„Við finnum fyrir mun meiri netverslun en undanfarin ár og sú þróun er ekkert nema jákvæð. Á Singles Day í fyrra var svo mikill hamagangur í öskjunni hjá okkur að við opnuðum aðra búð inni í búðinni til að anna netpöntunum. Við lærðum mikið á síðasta ári og höfum lagt mikla vinnu í heimasíðuna okkar undanfarnar vikur. Árangurinn er glæsileg og aðgengileg síða sem er afar þægileg í notkun.

Við höfum einnig betrumbætt ferlið frá því viðskiptavinur pantar og þangað til hann sækir og nú getur fólk pantað í rólegheitum heima að kvöldi og rennt svo í hádeginu daginn eftir og sótt. Við sendum einnig út á land með Póstinum. Fólk á að fá fyrsta flokks þjónustu hjá okkur, eins og alltaf,“ segir Ívar, starfsfólk verslana Rúmfatalagersins sé komið í blússandi jólaskap.

„Þetta er skemmtilegur tími og jólavaran í ár er svo falleg. Við höfum hlakkað til þessa dags lengi enda hægt að kaupa frábærar jólagjafir hjá okkur. Sængurver og sloppar eru alltaf mjög vinsælar jólagjafir, einnig ljós og lampar og önnur heimilisvara en lang vinsælastu gjafirnar eru sængur og koddar. Það verða líka allir að eiga góða sæng, við knúsum sængina líklega meira en nokkurn annan. Rúmfatalagerinn býður upp á mesta úrval landsins af sængum og fyrir jólin eigum við alltaf nóg til. Ef skila þarf vörum eða skipta þá er það ekkert vandamál í Rúmfatalagernum,“ segir Ívar.