Sport

Dagskráin í dag: Meistaradeildarmiðvikudagur

Hjörtur Leó Guðjónsson skrifar
Liverpool hefur nú þegar tryggt sér sigur í B-riðli Meistaradeildarinnar, en liðið tekur á móti Porto í kvöld.
Liverpool hefur nú þegar tryggt sér sigur í B-riðli Meistaradeildarinnar, en liðið tekur á móti Porto í kvöld. EPA-EFE/JOSE COELHO

Meistaradeild Evrópu er fyrirferðamikil á sportrásum Stöðvar 2 í dag, en af þeim tólf beinu útsendingum sem boðið er upp á eru sjö þeirra í tengslum við hana.

Dagurinn byrjar á tveimur leikjum í UEFA Youth League. Klukkan 12:55 mætast Inter og Shakhtar Donetsk á Stöð 2 Sport 2, og klukkan 14:55 mætast Manchester City og Paris Saint-Germain á sömu rás.

Klukkan 17:35 hefst útsending frá leik Besiktas og Ajax í Meistaradeildinni á Stöð 2 Sport 3.

Upphitun fyrir leiki kvöldsins í Meistaradeildinni hefst svo klukkan 19:15, bæði á Stöð 2 Sport 2 og Stöð 2 Sport 4.

Klukkan 19:50 hefst svo útsending frá þremur leikjum. Á Stöð 2 Sport 2 tekur Liverpool á móti Porto, moldóvska liðið Sheriff freistar þess að stríða Real Madrid í annað sinn á Stöð 2 Sport 3 og á Stöð 2 Sport 4 mætast Club Brugge og Leipzig.

Að þessum leikjum loknum eru svo Meistaradeildarmörkin á dagskrá þar sem varður farið yfir allt það helsta úr leikjum kvöldsins.

Þá er einn leikur á dagskrá í Subway-deild kvenna í körfubolta þegar Grindvíkingar taka á móti Breiðablik á Stöð 2 Sport klukkan 18:05 og rafíþróttirnar fá einnig sitt pláss, en klukkan 21:00 er Babe Patrol á dagskrá á Stöð 2 eSport þar sem ær Alma, Eva, Högna og Kamila munu án efa valda miklum usla á götum Verdansk í leiknum Call of Duty: Warzone.

Dagskráin í dag

Mest lesið


Fleiri fréttir

Sjá meira


×

Mest lesið