Körfubolti

Úrslitadagskráin í Smáranum klár

Sindri Sverrisson skrifar
Stjarnan fær annað tækifæri til að landa bikarmeistaratitlinum eftir tap gegn Njarðvík í úrslitaleik þegar síðasta bikarkeppni kláraðist loks í haust.
Stjarnan fær annað tækifæri til að landa bikarmeistaratitlinum eftir tap gegn Njarðvík í úrslitaleik þegar síðasta bikarkeppni kláraðist loks í haust. vísir/hulda margrét

Nú er orðið ljóst hvaða lið mætast í úrslitavikunni í VÍS-bikarnum í körfubolta í byrjun næsta árs.

Dregið var til undanúrslita í dag og í kvennaflokki mæta ríkjandi bikarmeistarar Hauka liði Njarðvíkur, sem farið hefur á kostum í vetur. Lið Snæfells sem leikur í 1. deild mætir Breiðabliki sem verður á heimavelli.

Haukar urðu bikarmeistarar í haust og geta endurtekið leikinn í janúar.vísir/hulda margrét

Í karlaflokki leika Íslandsmeistarar Þórs Þorlákshöfn gegn Val sem í gær sló út ríkjandi bikarmeistara Njarðvíkur. Stjarnan mætir svo Keflavík.

Allir leikirnir fara fram í Smáranum í Kópavogi, sem og úrslitaleikirnir laugardaginn 15. janúar.

  • Undanúrslit karla, 12. janúar:
  • Þór Þ. - Valur
  • Stjarnan - Keflavík
  • Undanúrslit kvenna, 13. janúar:
  • Njarðvík - Haukar
  • Snæfell - Breiðablik
Körfubolti

Mest lesið


Fleiri fréttir

Sjá meira


×

Mest lesið