Fótbolti

Var eitt fallegasta markið í ár skorað í rangt mark?

Óskar Ófeigur Jónsson skrifar
Paul McMullan liggur sársvekktur í grasinu eftir að hafa skorað í eigið mark í 1-0 sigri Hibernian á Dundee.
Paul McMullan liggur sársvekktur í grasinu eftir að hafa skorað í eigið mark í 1-0 sigri Hibernian á Dundee. Getty/Ross Parker

Þau gerast varla fallegri skallamörkin en þau sem Paul McMullan skoraði á Easter Road í skosku úrvalsdeildinni í gær. Það var bara eitt vandamál.

McMullan er leikmaður Dundee og með markinu færði hann Hibernian liðinu 1-0 sigur. Hann skallaði boltann nefnilega í eigið mark.

Markið kom úr skyndisókn Hibernian og eftir fyrirgjöf. Paul McMullan skutlaði sér fram og ætlaði væntanlega að skalla boltann aftur fyrir. Skalli hans þandi hins vegar netmöskvana óverjandi fyrir Adam Legzdins í markinu.

Dundee liðið er í harðri fallbaráttu og þurfti svo sannarlega á stigum að halda úr þessum leik.

Það má sjá eitt fallegasta skallamark ársins hér fyrir neðan.

Skoski boltinn

Mest lesið


Fleiri fréttir

Sjá meira


×

Mest lesið