Ungi maðurinn sem lést af slysförum við Framhaldsskólann á Laugum hét Kristinn Aron Curtis Arnbjörnsson.
Athöfn til minningar um Kristinn verður haldin í matsal Framhaldsskólans á Laugum föstudaginn 11. febrúar næstkomandi. Séra Þorgrímur Daníelsson sóknarprestur mun leiða athöfnina að því er fram kemur í tilkynningu á vef skólans.
Kristinn lést af slysförum 2. febrúar síðastliðinn en hann hafði verið að renna sér í snjó í brekku við skólann með félögum sínum, með þeim afleiðingum að hann varð fyrir bíl. Kristinn var nítján ára gamall þegar hann lést.
Starfsfólk og nemendur Framhaldsskólans á Laugum í Þingeyjarsveit syrgja góðan vin og félaga sem lést af slysförum við skólann í gær.
Ungi maðurinn sem lést í slysi við Framhaldsskólann á Laugum í gær var að renna sér í snjó í brekku við skólann með félögum sínum, með þeim afleiðingum að hann varð fyrir bíl. Þónokkrir urðu vitni að slysinu, samkvæmt upplýsingum frá lögreglu á Húsavík.
Allt skólastarf fellur niður í Framhaldsskólanum á Laugum á morgun eftir banaslys sem varð við skólann í dag. Starfsfólki og nemendum er mjög brugðið vegna slyssins og verður boðið upp á áfallahjálp á morgun.
