Ásgeir leiðir lista Sjálfstæðismanna í Mosfellsbæ

Viktor Örn Ásgeirsson skrifar 25. febrúar 2022 19:45

Ásgeir Sveinsson mun leiða listann í Mosfellsbæ. Aðsend

Ásgeir Sveinsson, formaður bæjarráðs Mosfellsbæjar, leiðir lista Sjálfstæðisflokksins í Mosfellsbæ fyrir komandi sveitarstjórnarkosningar. Endanlegur listi var samþykktur af fulltrúaráði flokksins í dag.

Haraldur Sverrisson, bæjarstjóri Mosfellsbæjar til síðustu fimmtán ára, skipaði efsta sætið á listanum fyrir síðustu kosningar, en hann tilkynnti fyrr í ár að hann hygðist ekki sækjast eftir endurkjöri.

Kolbrún G. Þorsteinsdóttir, bæjarfulltrúi, varaformaður bæjarráðs og formaður fræðslunefndar, sóttist einnig eftir fyrsta sæti á listanum en nú liggur niðurstaða úr prófkjöri flokksins fyrir.

Ásgeir fékk afgerandi kosningu í fyrsta sætið eða um 70 prósent atkvæða. Fulltrúaráð samþykkti endanlegan lista en Kolbrún þáði ekki fjórða sætið, sem henni var boðið. Mosfellingur greinir frá.

„Ég er mjög þakklátur fyrir það sterka umboð sem ég fékk til þess að leiða listann. Ég hlakka til að halda áfram að gera Mosfellsbæ að enn betra samfélagi með því kraftmikla og hæfileikaríka fólki sem mun mynda samheldinn og sterkan lista flokksins í kosningunum í vor,“ segir Ásgeir í samtali við bæjarblaðið Mosfelling.

Eftirfarandi skipa lista Sjálfstæðisflokksins í Mosfellsbæ 2022:

1. Ásgeir Sveinsson - bæjarfulltrúi og rekstrarstjóri

2. Jana Katrín Knútsdóttir - hjúkrunar- og viðskiptafræðingur

3. Rúnar Bragi Guðlaugsson - bæjarfulltrúi og framkvæmdastjóri

4. Helga Jóhannesdóttir - forstöðumaður

5. Hjörtur Örn Arnarson - landfræðingur

6. Arna Hagalínsdóttir - rekstrar- og fjármálastjóri

7. Hilmar Stefánsson - framkvæmdastjóri

8. Brynja Hlíf Hjaltadóttir - laganemi

9. Helga Möller - söngkona og fyrv. flugfreyja

10. Ragnar Bjarni Zoega Hreiðarsson - flugnemi

11. Davíð Örn Guðnason - lögmaður

12. Júlíana Guðmundsdóttir - lögfræðingur

13. Gunnar Pétur Haraldsson - sölu- og þjónustufulltrúi

14. Kári Sigurðsson - viðskiptastjóri

15. Þóra Björg Ingimundardóttir - sölu- og þjónusturáðgjafi

16. Franklin Ernir Kristjánsson - háskólanemi/þjónn

17. Ragnheiður Ríkharðsdóttir - fyrrv. bæjarstjóri og alþingismaður

18. Alfa Regína Jóhannsdóttir - kennari

19. Davíð Ólafsson - söngvari

20. Elín María Jónsdóttir - húsmóðir

21. Ari Hermann Oddsson - múrari

22. Bjarney Einarsdóttir - athafnakona

Mosfellsbær Sjálfstæðisflokkurinn Sveitarstjórnarkosningar 2022

Mest lesið

Fleiri fréttir