Anders Tegnell hættir sem sótt­varna­læknir

Frá þessu greinir í yfirlýsingu frá Lýðheilsustofnun Svíþjóðar. Tegnell vakti líkt og margir aðrir sóttvarnalæknar ríkja heims mikla athygli í heimsfaraldri kórónuveirunnar. Hann hefur í faraldrinum ítrekað þurft að svara gagnrýni vegna viðbragða sænskra yfirvalda í faraldrinum, en framan af faraldrinum gripu Svíar til umtalsvert vægari takmarkana en nágrannaríkin.

„Ég hef unnið með bóluefni í þrjátíu ár og hef á sama tíma brunnið fyrir alþjóðamálum. Nú hef ég tækifæri til að leggja mitt af mörkum í hinu alþjóðlega samstarfi. Það er enn mjög mikilvægt að bóluefnin nái einnig til þeirra ríkja sem ekki hafa efnahagslega burði til að kaupa eigin bóluefni,“ segir í Tegnell.

Anders Lindblom, smitsjúkdómalæknir hjá Lýðheilsustofnun Svíþjóðar, mun taka við stöðunni af Tegnell.