Borgarbúum brugðið við drunur í orrustuþotum

Portúgalski flugherinn fer með loftrýmisgæslu hér á landi um þessar mundir.

Ásgeir Erlendsson, upplýsingafulltrúi Landhelgisgæslu Íslands, segir að almennt kappkosti bæði íslensk stjórnvöld og erlendur liðsafli við að hávaði vegna loftrýmisgæslu valdi fólki sem minnstu ónæði.

Orrustuþotunum var beint til lendingar í Keflavík úr þeirri átt að fljúga þurfti þeim yfir höfuðborgarsvæðið, vegna annarrar flugumferðar.

Ásgeir segir Landhelgisgæsluna hafa óskað eftir skýringum á því hvers vegna þessi aðflugsleið hafi verið valin.