Hver verður framtíð VM? Guðmundur Ragnarsson skrifar 18. mars 2022 12:00 Í stéttarfélagi þarf að vera þróun í takti við þjóðfélagsbreytingar og framþróun. Breytingarnar verður hins vegar að vinna félagslega og eftir lögum félagsins. Hugmynd er búin til, hún mótuð og rædd áfram. Þegar komið er uppkast að hugmynd, er komin grundvöllur til að vinna hana félagslega. Hugmyndin er rædd í stjórn, fulltrúaráði og kynnt á aðalfundi.Í þessu ferli geta orðið verulegar viðbætur eða dregið er úr umfangi hugmyndarinnar ef mönnum hugnast hún ekki. Það sem hefur verið að gerast hjá VM – Félags vélstjóra og málmtæknimanna með því að sameina félagið inn í 2F er ekkert nema einræðis vinnubrögð og óheiðarleiki af hálfu formanns. Farið var á bak við alla í félaginu, stjórn, varastjórn, fulltrúaráð og hinn almenna félagsmann. Félagsmenn VM verða að geta treyst því að formaður félagsins vinni af heilindum og upplýsi félagsmenn um þær breytingar sem verið er að gera. Gott er að rifja upp að þegar VM var stofnað 2006 var búinn að vera langur aðdragandi að því. VM varð til með sameiningu Vélstjórafélags Íslands og Félags járniðnaðarmanna.Ef ég man rétt, funduðu tveir fulltrúar frá hvoru félagi einu sinni í viku í heilt ár.Félag járniðnaðarmanna hafði gefist upp á samstarfinu innan Samiðnar-Sambands iðnfélaga. Samiðn var stofnað á veikum grunni af félögum sem voru í bullandi samkeppni um félagsmenn með undirboðum á félagsgjöldum. Því fór sem fór með veru Félags járniðnaðarmanna þar. Byggjum ekki félagið okkar á sandi Ég get fullyrt að grunnurinn undir 2F er ennþá veikari og með fleiri vandamál. Þegar svona lagað er brallað með allri þessari leynd inni í félagslegu umhverfi, er brallið dæmt til að mistakast. Það eru svo margir lausir endar og margar óræddar spurningar sem eftir er að svara. Þetta er það sem ég talaði um í upphafi að svona verkefni þarf að þróa og móta í félagslega baklandinu svo að það virki og hægt sé að taka það í notkun. Meirihlutinn verður að vera sáttur með niðurstöðuna. Þegar kæmi að stofnun sambands eins og 2F þarf að vera búið að vinna heimavinnuna, fækka félögum með sameiningum. Samræma þarf félagsgjöldin og starfssvið félaganna eins og til dæmis á milli FIT og VM sem bæði eru með félagsmenn í vél- og málmtækni auk vélstjóra sem VM hefur eignað sér en FIT reynt að ná í þá líka. Í dag er FIT að undirbjóða VM í félagsgjöldum með aðferðafræði sem ég mun upplýsa síðar. Hvernig getur samvinna virkað á svona veikum og illa byggðum grunni? Hver bað um breytingarnar? Að búið sé að sameina VM inn í annað félag og flytja fjóra starfsmenn frá VM yfir í það, þar á meðal kjarasviðið án þess að félagsmenn viti af því er með hreinum ólíkindum!Hvernig starfar stéttarfélag án kjarasviðs, verður VM félag sem er bara að leigja út orlofshús? Svo eru menn að lýsa yfir hrifningu sinni yfir þessu án þess að hafa hugmynd um hvernig sameiningarsamningurinn inn í 2F lítur út eða hverjar eru fjárhagslegar skuldbinding félagsins vegna sameiningarinnar. Ýmsar sögusagnir eru um frekari sameiningu sjóða og fleira. Mín upplifun er að dregið hafi verið verulega úr sameiningarhugmyndunum þegar þetta kom í hámæli til að lægja öldurnar, en margir félagsmenn VM eru æfir yfir því að þessi gjörningur hafi orðið til án þess að félagsmenn væru upplýstir um hann. Síst má gleyma því að það eru félagsmennirnir sem eiga félagið og það er til fyrir þá. Á þetta að vera hægt í alvöru stéttarfélagi á 21. öld? Ég segi nei. Það er ekki til lögfræðiálit um hvort þessi sameining falli ekki undir 34. gr. laga VM.Mín sannfæring er að svo sé og ég sé ekki hvernig hægt er að lesa annað út úr greininni. Svona sameiningu verður að afgreiða á aðalfundi með tveimur þriðju atkvæða eða í allsherjaratkvæðagreiðslu. Eins og ég sagði í upphafi er ég alls ekki á móti framþróun og breytingum ef þær eru til góðs. Það er hins vegar frumskilyrði að standa rétt að málum og löglega. Enginn félagsmaður VM vissi um þennan 2F gjörning fyrr en ég fór með framboð mitt í fjölmiðla. Ég mun beita mér fyrir því að þetta mál verði sett í réttan félags- og löglegan farveg verði ég kosinn formaður VM. Með félagskveðju, Guðmundur Ragnarsson. Höfundur er frambjóðandi til formanns VM. Viltu birta grein á Vísi? Sendu okkur póst. Senda grein Stéttarfélög Guðmundur Ragnarsson Mest lesið Halldór 31.05.2025 Halldór Barnasáttmáli fyrir öll börn Guðný Björk Eydal,Paola Carenas Skoðun Tjáningarfrelsi, gagnrýni og Snorri Másson Birgir Orri Ásgrímsson Skoðun Ójafnvægið sem heimurinn býr við – og skellur á Bakka Erna Bjarnadóttir Skoðun Eins skýrt og það verður Jóna Hlíf Halldórsdóttir Skoðun Er ekki tími til kominn að tengja? Kristín María Birgisdóttir Skoðun Súrdeigsbrauð, ilmkjarnaolíur og Samtökin 78 Snorri Másson Skoðun Trollveiðar og veiðiráðgjöf Magnús Jónsson Skoðun Verður það að vera Ísrael? Hjörtur J. Guðmundsson Skoðun Þögnin sem skapaði ótta – arfleifð Þórarins í Sameyki Sigríður Svanborgardóttir Skoðun Skoðun Skoðun Er ekki tími til kominn að tengja? Kristín María Birgisdóttir skrifar Skoðun Barnasáttmáli fyrir öll börn Guðný Björk Eydal,Paola Carenas skrifar Skoðun Ójafnvægið sem heimurinn býr við – og skellur á Bakka Erna Bjarnadóttir skrifar Skoðun Bensínstöðvardíll og Birkimelur Helgi Áss Grétarsson skrifar Skoðun Trollveiðar og veiðiráðgjöf Magnús Jónsson skrifar Skoðun Gríðarlegir hagsmunir í húfi Sigurður Ingi Jóhannsson skrifar Skoðun Skynsamleg forgangsröðun fjár Ragnhildur Jónsdóttir skrifar Skoðun Eins skýrt og það verður Jóna Hlíf Halldórsdóttir skrifar Skoðun Tjáningarfrelsi, gagnrýni og Snorri Másson Birgir Orri Ásgrímsson skrifar Skoðun Að sameinast fjölskyldu sinni Guðrún Brynjólfsdóttir skrifar Skoðun Þögnin sem skapaði ótta – arfleifð Þórarins í Sameyki Sigríður Svanborgardóttir skrifar Skoðun Súrdeigsbrauð, ilmkjarnaolíur og Samtökin 78 Snorri Másson skrifar Skoðun Eru forvarnir í hættu? Dagbjört Harðardóttir skrifar Skoðun Tveir alþingismenn og Gaza Sverrir Agnarsson skrifar Skoðun Hver borgar fyrir ódýrar lóðir? Sara Björg Sigurðardóttir skrifar Skoðun Erum við að lengja dauðann en ekki lífið? Ágúst Ólafur Ágústsson skrifar Skoðun Mikill munur á aðgengi að líknarmeðferð í Evrópu Kristín Lára Ólafsdóttir skrifar Skoðun Sumarið verður nýtt vel til uppbyggingar snjóflóðavarna Jóhann Páll Jóhannsson skrifar Skoðun Verður það að vera Ísrael? Hjörtur J. Guðmundsson skrifar Skoðun Dýravernd - frumbyggjahættir Árni Stefán Árnason skrifar Skoðun Stórstraumsfjara mæld - HMS ráðþrota Magnús Guðmundsson skrifar Skoðun Sýnum fordómum ekki umburðarlyndi Snorri Sturluson skrifar Skoðun Landbúnaður á tímamótum – Við þurfum nýja stefnu Guðjón Sigurbjartsson skrifar Skoðun Sjómenn til hamingju! Lilja Rafney Magnúsdóttir skrifar Skoðun Leyfum mennskunni að sigra Anna Hildur Hildibrandsdóttir skrifar Skoðun Fjölskyldan fyrst Hólmfríður Jennýjar Árnadóttir skrifar Skoðun Hvað er markaðsverð á fiski? Sverrir Haraldsson skrifar Skoðun Tími til kerfisbundinna breytinga í samfélagstúlkun – ákall til stjórnvalda Anna Karen Svövudóttir skrifar Skoðun Fæðing Ísraels - Líkum misþyrmt BIrgir Dýrfjörð skrifar Skoðun Við eigum allt. Af hverju finnst okkur samt vanta eitthvað? Valentina Klaas skrifar Sjá meira
Í stéttarfélagi þarf að vera þróun í takti við þjóðfélagsbreytingar og framþróun. Breytingarnar verður hins vegar að vinna félagslega og eftir lögum félagsins. Hugmynd er búin til, hún mótuð og rædd áfram. Þegar komið er uppkast að hugmynd, er komin grundvöllur til að vinna hana félagslega. Hugmyndin er rædd í stjórn, fulltrúaráði og kynnt á aðalfundi.Í þessu ferli geta orðið verulegar viðbætur eða dregið er úr umfangi hugmyndarinnar ef mönnum hugnast hún ekki. Það sem hefur verið að gerast hjá VM – Félags vélstjóra og málmtæknimanna með því að sameina félagið inn í 2F er ekkert nema einræðis vinnubrögð og óheiðarleiki af hálfu formanns. Farið var á bak við alla í félaginu, stjórn, varastjórn, fulltrúaráð og hinn almenna félagsmann. Félagsmenn VM verða að geta treyst því að formaður félagsins vinni af heilindum og upplýsi félagsmenn um þær breytingar sem verið er að gera. Gott er að rifja upp að þegar VM var stofnað 2006 var búinn að vera langur aðdragandi að því. VM varð til með sameiningu Vélstjórafélags Íslands og Félags járniðnaðarmanna.Ef ég man rétt, funduðu tveir fulltrúar frá hvoru félagi einu sinni í viku í heilt ár.Félag járniðnaðarmanna hafði gefist upp á samstarfinu innan Samiðnar-Sambands iðnfélaga. Samiðn var stofnað á veikum grunni af félögum sem voru í bullandi samkeppni um félagsmenn með undirboðum á félagsgjöldum. Því fór sem fór með veru Félags járniðnaðarmanna þar. Byggjum ekki félagið okkar á sandi Ég get fullyrt að grunnurinn undir 2F er ennþá veikari og með fleiri vandamál. Þegar svona lagað er brallað með allri þessari leynd inni í félagslegu umhverfi, er brallið dæmt til að mistakast. Það eru svo margir lausir endar og margar óræddar spurningar sem eftir er að svara. Þetta er það sem ég talaði um í upphafi að svona verkefni þarf að þróa og móta í félagslega baklandinu svo að það virki og hægt sé að taka það í notkun. Meirihlutinn verður að vera sáttur með niðurstöðuna. Þegar kæmi að stofnun sambands eins og 2F þarf að vera búið að vinna heimavinnuna, fækka félögum með sameiningum. Samræma þarf félagsgjöldin og starfssvið félaganna eins og til dæmis á milli FIT og VM sem bæði eru með félagsmenn í vél- og málmtækni auk vélstjóra sem VM hefur eignað sér en FIT reynt að ná í þá líka. Í dag er FIT að undirbjóða VM í félagsgjöldum með aðferðafræði sem ég mun upplýsa síðar. Hvernig getur samvinna virkað á svona veikum og illa byggðum grunni? Hver bað um breytingarnar? Að búið sé að sameina VM inn í annað félag og flytja fjóra starfsmenn frá VM yfir í það, þar á meðal kjarasviðið án þess að félagsmenn viti af því er með hreinum ólíkindum!Hvernig starfar stéttarfélag án kjarasviðs, verður VM félag sem er bara að leigja út orlofshús? Svo eru menn að lýsa yfir hrifningu sinni yfir þessu án þess að hafa hugmynd um hvernig sameiningarsamningurinn inn í 2F lítur út eða hverjar eru fjárhagslegar skuldbinding félagsins vegna sameiningarinnar. Ýmsar sögusagnir eru um frekari sameiningu sjóða og fleira. Mín upplifun er að dregið hafi verið verulega úr sameiningarhugmyndunum þegar þetta kom í hámæli til að lægja öldurnar, en margir félagsmenn VM eru æfir yfir því að þessi gjörningur hafi orðið til án þess að félagsmenn væru upplýstir um hann. Síst má gleyma því að það eru félagsmennirnir sem eiga félagið og það er til fyrir þá. Á þetta að vera hægt í alvöru stéttarfélagi á 21. öld? Ég segi nei. Það er ekki til lögfræðiálit um hvort þessi sameining falli ekki undir 34. gr. laga VM.Mín sannfæring er að svo sé og ég sé ekki hvernig hægt er að lesa annað út úr greininni. Svona sameiningu verður að afgreiða á aðalfundi með tveimur þriðju atkvæða eða í allsherjaratkvæðagreiðslu. Eins og ég sagði í upphafi er ég alls ekki á móti framþróun og breytingum ef þær eru til góðs. Það er hins vegar frumskilyrði að standa rétt að málum og löglega. Enginn félagsmaður VM vissi um þennan 2F gjörning fyrr en ég fór með framboð mitt í fjölmiðla. Ég mun beita mér fyrir því að þetta mál verði sett í réttan félags- og löglegan farveg verði ég kosinn formaður VM. Með félagskveðju, Guðmundur Ragnarsson. Höfundur er frambjóðandi til formanns VM.
Skoðun Tími til kerfisbundinna breytinga í samfélagstúlkun – ákall til stjórnvalda Anna Karen Svövudóttir skrifar