Þórdís Lóa leiðir Viðreisn í Reykjavík

Efstu sætin voru valin í prófkjöri fyrr í mánuðinum. Framboðslisti Viðreisnar í Reykjavík var svo samþykktur í dag. Það var gert á félagsfundi Reykjavíkurráðs Viðreisnar en þar eiga sæti allir meðlimir flokksins í Reykjavík.

„Þetta er öflugur listi sem sýnir breidd Viðreisnar í Reykjavík. Við erum búsett í öllum hverfum borgarinnar og með fjölbreytta reynslu. Við höfum því skarpa sýn á þarfir Reykvíkinga og munum halda áfram að beita okkur fyrir því að einfalda lífið í borginni og efla öll hverfi til að þar megi finna aukna þjónustu og atvinnulíf,“ segir Þórdís Lóa Þórhallsdóttir, oddviti listans, í tilkynningu.

1. Þórdís Lóa Þórhallsdóttir - Formaður borgarráðs
2. Pawel Bartoszek - Borgarfulltrúi
3. Þórdís Jóna Sigurðardóttir - Framkvæmdastjóri
4. Geir Finnsson - Framhaldsskólakennari og forseti Landssambands Ungmennafélaga
5. Jóhanna Dýrunn Jónsdóttir - Öryrki
6. Erlingur Sigvaldason - Kennaranemi
7. Emilía Björt Írisardóttir - Háskólanemi og forseti Uppreisnar í Reykjavík
8. Samúel Torfi Pétursson - Verkfræðingur og skipulagsráðgjafi
9. Anna Kristín Jensdóttir - Náms- og starfsráðgjafi
10. Pétur Björgvin Sveinsson - Verkefnastjóri
11. Tatiana Ósk Hallgrímsdóttir - Forstöðukona
12. Sverrir Kaaber - Fyrrverandi skrifstofustjóri
13. Emma Ósk Ragnarsdóttir - Leiðbeinandi á leikskóla
14. Arnór Heiðarsson - Aðstoðarskólastjóri
15. Katrín Sigríður Júlíu Steingrímsdóttir - Háskólanemi og forseti Uppreisnar
16. Einar Karl Friðriksson - Efnafræðingur og einkaleyfasérfræðingur
17. Anna Margrét Einarsdóttir - Lýðheilsufræðingur
18. Bóas Sigurjónsson - Framhaldsskólanemi
19. Þuríður Pétursdóttir - Lögfræðingur
20. Máni Arnarsson - Háskólanemi