Lífið

Segir soninn ekki lengur heita Wolf

Atli Ísleifsson skrifar
Kylie Jenner er ein ríkasta raunveruleikastjarna heims.
Kylie Jenner er ein ríkasta raunveruleikastjarna heims. Getty

Bandaríska raunveruleikastjarnan og snyrtivörumógúllinn Kylie Jenner hefur tilkynnt að sonur hennar og söngvarans Travis Scott heiti ekki lengur Wolf. Þessi ákvörðun sé tekin eftir að foreldrarnir hafi kynnst syninum betur, en hann kom í heimin í byrjun síðasta mánaðar.

Jenner sagði frá þessu á Instagram-síðu sinni í gær. „Ykkur til upplýsingar þá er nafn sonar okkar ekki lengur Wolf,“ sagði Jenner. „Okkur líður einfaldlega þannig að það væri ekki hann. Vildi bara deila þessu þar sem ég sé [nafnið] Wolf alls staðar.“

Hin 24 ára Jenner gefur ekkert upp um nýtt nafn sonarins, eða þá hvort að millinafninu Jacques verði einnig breytt.

Í frétt People segir að tilkynningin komi fáeinum klukkustundum eftir að Jenner birti nýtt myndband á YouTube, tileinkuðu syni hennar, Til sonar okkar.

Kylie Jenner og Travis Scott eiga fyrir dótturina Stormi Webster, fjögurra ára.

Hollywood

Tengdar fréttir



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.