Giannis dró vagninn er Milwaukee hóf titilvörnina á sigri

Milwaukee liðið byrjaði af miklum krafti og leiddi með 13 stigum að loknum fyrsta leikhluta. Gestirnir frá Chicago unnu sig þó hægt og bítandi aftur inn í leikinn og voru búnir að minnka muninn niður í átta stig fyrir hálfleik, staðan 51-43 þegar gengið var til búningsherbergja.

Gestirnir héldu áfram að þjarma að heimamönnum í síðari hálfleik og tóku forystuna þegar um þrjár mínútur voru eftir af þriðja leikhluta. Þeir náðu mest fimm stiga forskoti, en Milwaukee liðið snéri leiknum sér í hag á ný og fór með þriggja stiga forskot inn í lokaleikhlutann. Þar reyndust heimamenn sterkari og Milwaukee-liðið fagnaði að lokum sjö stiga sigri, 93-86.

Giannis Antetokounmpo var allt í öllu í liði Milwaukee, en hann skilaði 27 stigum og tók 16 fráköst. Í liði gestanna var Nikola Vucevic atkvæðamestur með 24 stig og 17 fráköst.

Úrslit næturinnar