Þúsundir í ein­angrun vegna sótt­kvíar­brota manns í Peking

Í frétt Guardian segir að manninum hafði verið gert að halda sig heima eftir að hann heimsótti verslunarmiðstöð þar sem smit kom upp.

Yfirvöld segja hann hafa brotið sóttkvína margsinnis og þannig stefnt nágrönnum sínum í hættu.

Hann og kona hans greindust síðar smituð af veirunni og nú hefur verið ákveðið að þúsundir manna sem búa í nágrenni hans verði settir í einangrun eða gert að halda sig heima.

258 nágrannar hans verða settir í einangrun á vegum stjórnvalda og rúmlega fimm þúsund hefur verið gert að halda sig heima.