Utan vallar: Hvernig ertu í lit? Valur Páll Eiríksson skrifar 20. júlí 2022 11:31 KR-ingar hafa ekki átt sitt besta sumar. vísir/hulda margrét „Þegar ég sé svona gæja eins og þig, finnst mér öll veröldin breyta um svip. Þú hefur þannig áhrif á mig, að ég fell í yfirlið“ sungu Dúkkulísurnar á níunda áratugnum í laginu Svarthvíta hetjan mín sem hefur reglulega verið leikið af stuðningsmönnum sem óður til hetjanna í liði KR þegar best lætur. Óhætt er að segja að fáir hafi fallið í yfirlið vegna þokka KR-inga eftir 1-1 jafntefli þeirra við Fram á Meistaravöllum í toppslag neðri hluta Bestu deildar karla í fótbolta í gærkvöld. Hornamark snemma í síðari hálfleik bjargaði stigi eftir fyrri hálfleik sem knúði Rúnar Kristinsson til tveggja breytinga í hléi. Eftir strembið gengi undanfarinna vikna stillti KR upp í 4-4-2 í upphafi leiks þar sem meðalhæð framlínunnar var 193 sentímetrar. Hvort uppleggið í upphafi var að finna höfuð framherjanna tveggja veit undirritaður ekki, en líkt og oft áður í sumar virðast fyrirgjafir úr djúpum kantstöðum í flestum tilfellum vera leiðin sem farin er. KR átti þónokkra fína spilkafla í leiknum og virðist liðið gjarnan leggja sig fram við það að spila út frá markmanni, og út úr vörninni. Vandamálin skapast hins vegar þegar framar á völlinn er komið þar sem sköpunargleðin virðist sogin úr mönnum, hægleikinn og fyrirsjáanleikinn þrýsta boltanum út í djúpa kantstöðu hvaðan boltanum er fleygt í átt að teignum upp á von og óvon. Gæjalegir taka öll völd Theódór Elmar Bjarnason hefur verið fastamaður í liði KR í sumar.Vísir/Hulda Margrét Ef litið er til litarsnauðs sóknarleiks liðsins eru ef til vill tveir leikmenn sem veita honum lit. Engum dyljast náttúrulegir hæfileikar þeirra Stefáns Árna Geirssonar og Theodórs Elmars Bjarnasonar sem virðast eiga að opna leiðir sem öðrum eru lokaðar, gegn iðulega þéttum varnarmúr gestaliðs í Vesturbæ. Það virðist þó oftast að snertingar þeirra á boltann teljist á fingrum beggja handa þegar honum er leikið til þeirra. Tilhneiging þeirra til að sýna fimi sína virðist taka yfir, sem því miður fyrir þá svarthvítu, virðist gjarnan hægja enn frekar á og þyngja róðurinn sóknarlega. Þeim er þó ef til vill lítill greiði gerður af hreyfingarlitlum samherjum. Dugar að sýna hörku, kjark og þor? Senn eru liðnir tveir mánuðir síðan KR vann síðast leik í deildinni, sem vannst gegn annarri svarthvítri hetju í tilvistarkreppu, í Kaplakrika þann 29. maí. Árangurinn á heimavelli er einkum rýr: 27 stig úr síðustu 25 leikjum á Meistaravöllum. Rúnar hefur stýrt KR til þriggja Íslandsmeistaratitla og jafnmargra bikartitla í tveimur stjóratíðum sínum frá 2011 til 2014 og frá 2017 til dagsins í dag.Vísir/Hulda Margrét Grámyglan og þyngslin sem einkenna stemninguna í Vesturbæ fór fram hjá fáum sem sátu í stúkunni í Frostaskjóli í gærkvöld. Neikvæðnin á pöllunum var raunar óþægileg og það var ekki nema einu sinni sem að Bóas náði að kreista upp eins og eitt stuðningslag úr þungbrýndum KR-ingum í fátæklega mannaðri stúkunni. Óhróðrinum kyngdi niður, hvort sem var gasprað inn á völlinn eða muldrað af heldri mönnum. Ljóst er að einhverra breytinga er þörf, en hvort þær þurfi að eiga sér stað á hliðarlínunni, í stúkunni eða annars staðar skal ósagt látið. Breytingarnar hafa vissulega verið miklar síðustu misseri þar sem nýir menn hafa komið inn í stöðu formanns félagsins, formanns knattspyrnudeildar, framkvæmdastjóra, markaðstjóra og íþróttastjóra. Nú síðast viku Jóhannes Karl Sigursteinsson, sem þjálfari kvennaliðs félagsins þar sem hann gagnrýndi vinnubrögð innan félagsins við brotthvarfið, og Sigurvin Ólafsson úr stöðu sinni sem aðstoðarþjálfari karla (og þjálfari KV) til að vera Eiði Smára Guðjohnsen til halds og trausts hjá FH. Bjarni tók við sem framkvæmdastjóri KR í fyrra og kom inn í þjálfarateymi liðsins snemmsumars.Vísir/Bára Dröfn Færi það svo að knattspyrnudeild KR sæi uppsögn Rúnars Kristinssonar sem besta kostinn í stöðunni vekur það hins vegar aðeins fleiri spurningar. Yrði hún þá líka að segja upp aðstoðarþjálfaranum Bjarna Guðjónssyni? Hvað hefði framkvæmdastjórinn Bjarni Guðjónsson um það að segja? En hvað þá með fyrirliðann Pálma Rafn Pálmason? Myndi íþróttastjóri KR, Pálmi Rafn Pálmason, hafa sömu skoðun á þeirri ákvörðun? Hver sem næstu skref verða er ljóst að einhverjar leiðir þarf að finna til að fá stúkuna og hinn almenna KR-ing aftur með félaginu í lið. KR hefur áður tekist á við lægðir í stjóratíð Rúnars og ávallt hefur hann stigið upp til að snúa hlutum við og skapa lið sem sýnir hörku, kjark og þor – og náð árangri. Spurningin er hvort það dugi til í þetta sinn, en víst er að KR-ingar bíða þess að sjá Svarthvítu hetjuna aftur í lit. Utan vallar KR Besta deild karla Mest lesið Meistarinn gæti þurft að slá út tvo nafna sína á leiðinni í úrslit Sport Risaleikur Wembanyama dugði ekki til Körfubolti 76ers sóttu sigur úr Garðinum Körfubolti Botnliðin eiga von og meistararnir geta fallið Fótbolti Dagskráin í dag: Íslandsmeistarar og fótbolti Sport Amorim hissa á fólkinu í kringum Rashford Fótbolti „Besti íþróttamaður Íslands gleymdist“ Sport Orðinn pirraður á að ná ekki að bæta met og tíminn að renna út Sport Bayern heldur enn í vonina um að næla í Wirtz Fótbolti Coote ætlar ekki að áfrýja brottrekstrinum Fótbolti Fleiri fréttir Semur við félagið sem bæði mamma og pabbi spiluðu fyrir Drottning Lengjudeildarinnar ætlar að vera með Fram í Bestu Gumma komin heim eftir átta ára fjarveru Logi Ólafs kveður eftir áratugastarf í MH Yfirlögfræðingur KSÍ verður framkvæmdastjóri Víkings KA-fólk fær sérútgáfu af bókinni Íslensk knattspyrna í ár Mikil sorg hjá Fram-fjölskyldunni Nauðsynlegt og löngu tímabært Stefán Þór Þórðarson í þjálfarastarf hjá Skagamönnum Fyrirliði Selfoss til liðs við Þróttara Vinna að lagningu gervigrass hafin í Vesturbæ „Hef mínar pælingar sem mér finnst gaman að taka áfram“ Blikar kveðja Damir og óska honum góðs gengis í Brúnei Mist Funa komin heim Víkingar seldu Bjarka Björn til Eyja Mætti syni sínum „Ég get ekki beðið að koma aftur til Íslands“ Ef launin væru svo há hefði ég gert fimm ára samning Verður áfram í grænu næsta sumar Arnór ráðinn yfirmaður knattspyrnumála hjá Val Eiður Gauti skoraði tvö á Mosfellsbræðurna í fyrsta leik Opnar sig um brjálæðið á Skaganum: Fékk áfall og átti erfitt með svefn Vuk í Fram Bankastarfsmaðurinn sem fór úr 3. deild í KR „Gaman að heyra hann öskra á bakvið mann“ Þungavigtarbikarinn hefst í janúar „Heyrt margar reynslusögur“ Bræðurnir saman í Mosó og Íslandsmeistari mættur Framkvæmdastjóraskipti hjá Val Fyrsta skóflustunga tekin og KR spilar á gervigrasi Sjá meira
Óhætt er að segja að fáir hafi fallið í yfirlið vegna þokka KR-inga eftir 1-1 jafntefli þeirra við Fram á Meistaravöllum í toppslag neðri hluta Bestu deildar karla í fótbolta í gærkvöld. Hornamark snemma í síðari hálfleik bjargaði stigi eftir fyrri hálfleik sem knúði Rúnar Kristinsson til tveggja breytinga í hléi. Eftir strembið gengi undanfarinna vikna stillti KR upp í 4-4-2 í upphafi leiks þar sem meðalhæð framlínunnar var 193 sentímetrar. Hvort uppleggið í upphafi var að finna höfuð framherjanna tveggja veit undirritaður ekki, en líkt og oft áður í sumar virðast fyrirgjafir úr djúpum kantstöðum í flestum tilfellum vera leiðin sem farin er. KR átti þónokkra fína spilkafla í leiknum og virðist liðið gjarnan leggja sig fram við það að spila út frá markmanni, og út úr vörninni. Vandamálin skapast hins vegar þegar framar á völlinn er komið þar sem sköpunargleðin virðist sogin úr mönnum, hægleikinn og fyrirsjáanleikinn þrýsta boltanum út í djúpa kantstöðu hvaðan boltanum er fleygt í átt að teignum upp á von og óvon. Gæjalegir taka öll völd Theódór Elmar Bjarnason hefur verið fastamaður í liði KR í sumar.Vísir/Hulda Margrét Ef litið er til litarsnauðs sóknarleiks liðsins eru ef til vill tveir leikmenn sem veita honum lit. Engum dyljast náttúrulegir hæfileikar þeirra Stefáns Árna Geirssonar og Theodórs Elmars Bjarnasonar sem virðast eiga að opna leiðir sem öðrum eru lokaðar, gegn iðulega þéttum varnarmúr gestaliðs í Vesturbæ. Það virðist þó oftast að snertingar þeirra á boltann teljist á fingrum beggja handa þegar honum er leikið til þeirra. Tilhneiging þeirra til að sýna fimi sína virðist taka yfir, sem því miður fyrir þá svarthvítu, virðist gjarnan hægja enn frekar á og þyngja róðurinn sóknarlega. Þeim er þó ef til vill lítill greiði gerður af hreyfingarlitlum samherjum. Dugar að sýna hörku, kjark og þor? Senn eru liðnir tveir mánuðir síðan KR vann síðast leik í deildinni, sem vannst gegn annarri svarthvítri hetju í tilvistarkreppu, í Kaplakrika þann 29. maí. Árangurinn á heimavelli er einkum rýr: 27 stig úr síðustu 25 leikjum á Meistaravöllum. Rúnar hefur stýrt KR til þriggja Íslandsmeistaratitla og jafnmargra bikartitla í tveimur stjóratíðum sínum frá 2011 til 2014 og frá 2017 til dagsins í dag.Vísir/Hulda Margrét Grámyglan og þyngslin sem einkenna stemninguna í Vesturbæ fór fram hjá fáum sem sátu í stúkunni í Frostaskjóli í gærkvöld. Neikvæðnin á pöllunum var raunar óþægileg og það var ekki nema einu sinni sem að Bóas náði að kreista upp eins og eitt stuðningslag úr þungbrýndum KR-ingum í fátæklega mannaðri stúkunni. Óhróðrinum kyngdi niður, hvort sem var gasprað inn á völlinn eða muldrað af heldri mönnum. Ljóst er að einhverra breytinga er þörf, en hvort þær þurfi að eiga sér stað á hliðarlínunni, í stúkunni eða annars staðar skal ósagt látið. Breytingarnar hafa vissulega verið miklar síðustu misseri þar sem nýir menn hafa komið inn í stöðu formanns félagsins, formanns knattspyrnudeildar, framkvæmdastjóra, markaðstjóra og íþróttastjóra. Nú síðast viku Jóhannes Karl Sigursteinsson, sem þjálfari kvennaliðs félagsins þar sem hann gagnrýndi vinnubrögð innan félagsins við brotthvarfið, og Sigurvin Ólafsson úr stöðu sinni sem aðstoðarþjálfari karla (og þjálfari KV) til að vera Eiði Smára Guðjohnsen til halds og trausts hjá FH. Bjarni tók við sem framkvæmdastjóri KR í fyrra og kom inn í þjálfarateymi liðsins snemmsumars.Vísir/Bára Dröfn Færi það svo að knattspyrnudeild KR sæi uppsögn Rúnars Kristinssonar sem besta kostinn í stöðunni vekur það hins vegar aðeins fleiri spurningar. Yrði hún þá líka að segja upp aðstoðarþjálfaranum Bjarna Guðjónssyni? Hvað hefði framkvæmdastjórinn Bjarni Guðjónsson um það að segja? En hvað þá með fyrirliðann Pálma Rafn Pálmason? Myndi íþróttastjóri KR, Pálmi Rafn Pálmason, hafa sömu skoðun á þeirri ákvörðun? Hver sem næstu skref verða er ljóst að einhverjar leiðir þarf að finna til að fá stúkuna og hinn almenna KR-ing aftur með félaginu í lið. KR hefur áður tekist á við lægðir í stjóratíð Rúnars og ávallt hefur hann stigið upp til að snúa hlutum við og skapa lið sem sýnir hörku, kjark og þor – og náð árangri. Spurningin er hvort það dugi til í þetta sinn, en víst er að KR-ingar bíða þess að sjá Svarthvítu hetjuna aftur í lit.
Utan vallar KR Besta deild karla Mest lesið Meistarinn gæti þurft að slá út tvo nafna sína á leiðinni í úrslit Sport Risaleikur Wembanyama dugði ekki til Körfubolti 76ers sóttu sigur úr Garðinum Körfubolti Botnliðin eiga von og meistararnir geta fallið Fótbolti Dagskráin í dag: Íslandsmeistarar og fótbolti Sport Amorim hissa á fólkinu í kringum Rashford Fótbolti „Besti íþróttamaður Íslands gleymdist“ Sport Orðinn pirraður á að ná ekki að bæta met og tíminn að renna út Sport Bayern heldur enn í vonina um að næla í Wirtz Fótbolti Coote ætlar ekki að áfrýja brottrekstrinum Fótbolti Fleiri fréttir Semur við félagið sem bæði mamma og pabbi spiluðu fyrir Drottning Lengjudeildarinnar ætlar að vera með Fram í Bestu Gumma komin heim eftir átta ára fjarveru Logi Ólafs kveður eftir áratugastarf í MH Yfirlögfræðingur KSÍ verður framkvæmdastjóri Víkings KA-fólk fær sérútgáfu af bókinni Íslensk knattspyrna í ár Mikil sorg hjá Fram-fjölskyldunni Nauðsynlegt og löngu tímabært Stefán Þór Þórðarson í þjálfarastarf hjá Skagamönnum Fyrirliði Selfoss til liðs við Þróttara Vinna að lagningu gervigrass hafin í Vesturbæ „Hef mínar pælingar sem mér finnst gaman að taka áfram“ Blikar kveðja Damir og óska honum góðs gengis í Brúnei Mist Funa komin heim Víkingar seldu Bjarka Björn til Eyja Mætti syni sínum „Ég get ekki beðið að koma aftur til Íslands“ Ef launin væru svo há hefði ég gert fimm ára samning Verður áfram í grænu næsta sumar Arnór ráðinn yfirmaður knattspyrnumála hjá Val Eiður Gauti skoraði tvö á Mosfellsbræðurna í fyrsta leik Opnar sig um brjálæðið á Skaganum: Fékk áfall og átti erfitt með svefn Vuk í Fram Bankastarfsmaðurinn sem fór úr 3. deild í KR „Gaman að heyra hann öskra á bakvið mann“ Þungavigtarbikarinn hefst í janúar „Heyrt margar reynslusögur“ Bræðurnir saman í Mosó og Íslandsmeistari mættur Framkvæmdastjóraskipti hjá Val Fyrsta skóflustunga tekin og KR spilar á gervigrasi Sjá meira