Rannsóknin flókin og erfitt að gefa upplýsingar sem hægt sé að standa við á þessu stigi Tryggvi Páll Tryggvason skrifar 26. ágúst 2022 12:31 Páley Borgþórsdóttir, lögreglustjóri á Norðurlandi eystra ræddi við fjölmiðla í dag. Vísir Páley Borgþórsdóttir, lögreglustjórinn á Norðurlandi eystra, segir að enn sem komið er sé aðeins gróf mynd komin á atburðarásina í skotárásinni á Blönduósi á sunnudag. Hún er sammála því að mikilvægt sé að lögregla upplýsi um gang rannsókna á sakamálum en segir að lögregla hafi einfaldlega ekki haft neinu nýju við að bæta síðustu daga. Karlmaður um þrítugt skaut hjón á Blönduósi á heimili þeirra á sunnudagsmorgun. Konan lést og eiginmaður hennar liggur alvarlega særður á sjúkrahúsi. Skotárásarmaðurinn lést einnig á vettvangi. Flókin rannsókn Páley Borgþórsdóttir, lögreglustjóri á Norðurlandi eystra, sem fer með rannsókn málsins, ræddi við blaðamenn á skrifstofu hennar á lögreglustöðinni á Akureyri í dag. Var þetta í fyrsta skipti sem hún gaf kost á viðtali við vegna rannsóknar málsins. Hún segir grófa mynd komin á atburðarásina umrædda morgun. Frá vettvangi árásarinnar á Blönduósi.Vísir „Rannsóknin er flókin og snertir marga þætti. Við erum að reyna að upplýsa um málsatvik, aðdraganda, saknæmi, gáleysi eða ásetning, stöðu og hagi aðila og margt fleira. Við erum að afla gagna og enn höfum við ekki fengið öll þau gögn sem við þurfum til að geta staðreynt eitthvað um málsatvikin,“ sagði Páley í samtali við fréttastofu. Stoðdeild lögreglunnar á höfuðborgarsvæðinu aðstoðar við rannsóknina, ásamt tæknideild og rannsóknardeild hennar. „Enn liggur ekki fyrir endanleg niðurstaða í vettvangsrannsókn og fleiri atriðum. Við erum enn að bíða eftir niðurstöðu réttarkrufningar og fleira. Þannig að á þessu stigi er erfitt fyrir okkur að gefa upplýsingar sem við getum staðið við um nákvæmleg málsatvik,“ sagði Páley sem gat annars lítið gefið upp um nánari gang rannsóknarinnar. Tjáir sig lítið um málsatvik Páley getur ekki tjáð sig um ýmis atriði tengd rannsókn málsins, svo sem hvort ljóst sé hvernig árasármaðurinn komst inn á heimili hjónanna, hvort ljóst sé hvar hann hafi nálgast skotvopnið sem var beitt eða hversu margir hafi stöðu sakbornings í málinu. Páley segir þó einhverja hafa stöðu sakbornings í málinu en á mánudaginn var einum sakborningi sleppt úr haldi. Ekki var gerð krafa um gæsluvarðhald á hendur viðkomandi. Samfélagið á Blönduósi er í áfalli vegna málsins og hafa margir leitað sér áfallahjálp sem í boði hefur verið.Vísir Komið hefur fram að lögregla hafi haft afskipti af manninum fyrr í sumar, eftir að hann hafði í hótunum við fólk vopnaður skotvopni. Rannsókn málsins nær einnig til þess atburðar að sögn Páleyjar. „Eins og ég nefndi áðan þá erum við að rannsaka aðdraganda þessa máls og rannsóknin lítur því einnig að því hvernig það bar allt að,“ segir Páley. Skilur gagnrýni á skort á upplýsingagjöf Komið hefur fram gagnrýni á upplýsingagjöf lögreglunnar á Norðurlandi eystra til almennings vegna málsins. Hún hefur, þar til nú, verið í formi tveggja stuttorðaðra færslna á Facebook. Sjálf hefur Páley ekki gefið kost á viðtali fyrr en í dag, þrátt fyrir ítrekaðar beiðnir fréttastofu. Helgi Gunnlaugsson, prófessor í afbrotafræði, benti á í hádegisfréttum Bylgjunnar í vikunni að þegar stór áföll á borð við það sem átti sér staða á Blönduósi um helgina, væri mikilvægt að lögregla miðli upplýsingum til almennings, ella væri hætta á því að villandi upplýsingar kæmust í umræðuna. Páley segist skilja þessa gagnrýni en segir að í raun hafi lögreglan ekki haft neinu nýju við að bæta umfram þær upplýsingar sem lögregla veitti á fyrstu stigum málsins. „Ég er að mörgu leyti sammála Helga. Það er mikilvægt að lögreglan tjái sig um mál. Í þessu máli þá voru komnar miklar upplýsingar frá lögreglunni á fyrsta degi, mjög miklar upplýsingar sem lágu strax fyrir um atvik. Það sem er áríðandi fyrir okkur er að upplýsa almenning um er að það sé búið að tryggja öryggi allra borgara og slíkt. Það var gert nokkuð vel. Við höfðum engu nýju við að bæta varðandi rannsóknina sjálfa.“ Hún segir lögregluna ekki geta tjáð sig um hluti sem séu til skoðunar, „Þú heyrir á mínum svörum hérna að þá getum lítið upplýst um málsatvikin. Ég hef alveg skilning á að fólk vill vita. Til þess erum við að rannsaka málið. Þannig að það sé hægt að segja hvað gerðist. Við erum ennþá að reyna að komast að því nákvæmlega hvað gerðist. Þannig að það er eðlilega ekki hægt að tjá sig um hluti sem eru til skoðunar og við tjáum okkur ekki um getgátur eða neitt slíkt,“ sagði Páley. Kollegi Páleyjar, Birgir Jónasson, lögreglustjórinn á Norðurlandi vestra, hefur einnig gagnrýnt að fyrirkomulag rannsóknar málsins sá á þá leið að lögreglan á Norðurlandi eystra rannsaki málið. Er það samkvæmt reglugerð sem er í gildi sem kveður á um að lögreglan á Norðurlandi eystra rannsaki kynferðisbort og manndrápsmál í umdæmi lögreglunnar á Norðurlandi vestra. Hefur Birgir sagt að lögreglan í hans umdæmi sé í stakk búinn til að sinna slíkum rannsókn og vill hann að reglugerðinni verði breytt. Páley segir ekki tímabært að ræða slíkar breytingar. „Þetta er bara gildandi skipulag samkvæmt lögum sem við vinnum eftir. Það eru málefnanleg rök, bæði með og á móti. Ég hef alveg skilning á því að þetta sé rætt en þetta er ekki tímabært á þessu stigi.“ Lögreglumál Manndráp á Blönduósi Lögreglan Húnabyggð Mest lesið Ýmislegt hægt að lesa í mætingu á fund Áslaugar Innlent Stærsta kristal-amfetamínmál sögunnar: Sagði bílinn fluttan inn vegna kvikmyndaverkefnis Innlent „Já, líklega hef ég verið undrabarn“ Innlent Áslaug ætlar í formanninn Innlent Allir starfsmenn VG missa vinnuna seinna á árinu Innlent Sleðar bannaðir á opnunartíma: „Leið eins og maður væri ekki velkominn“ Innlent Enginn megi vera krýndur formaður Innlent Byssumaðurinn hafi miðað á aðra í hópnum Innlent Musk birtist óvænt og ávarpaði samkomu fjarhægrimanna Erlent Þarf að taka fjölskylduna inn í myndina Innlent Fleiri fréttir Endurgreiðsla sem jafngildi gjaldþroti og íbúafundur Fyrrverandi bæjarstjóri verður framkvæmdastjóri þingflokks Kærði lögregluna en málið ekki rannsakað af öðrum en lögreglunni Borgarstjóri tók við tæplega 3000 undirskriftum vegna Álfabakka Ráðherra hringdi í skólastjóra vegna týnds skópars Kristrún upplýst um fundinn með skömmum fyrirvara Óhapp á Reykjavíkurflugvelli og flugbraut lokað Óvíst hvenær fundað verður aftur Engin leit í gangi að leðurblökunni Styrkjamálið vindur upp á sig Þáðu líka styrk án réttrar skráningar Gerði ekki samkomulag við Þórdísi um formannsframboðið Vísir á vettvangi: Formannsefnið sem á „erindi við breiddina, en ekki bara Mjóddina“ Fann að eitthvað væri á seyði þegar hann skoðaði efnin Bíða þess að samningur um neyslurými verði endurnýjaður Notendur ADHD-lyfja aldrei fleiri og kostnaðurinn aldrei meiri Neitaði að yfirgefa öldurhús og sparkaði í lögreglumann „Það eru mikil tíðindi að verða í íslenskum stjórnmálum“ Leðurblaka flögrar um Hlíðarnar Harður árekstur á Miklubraut Ekkert ökklaband fyrir brot á nálgunarbanni þrátt fyrir fyrirmæli ríkissaksóknara Áslaug hafi þennan „x-factor“ Laugin muni ekki opna fyrr en í fyrsta lagi seinnipart mánudags Eldur á Álfhólsvegi Ekkert bólar á ökklaböndum og nýir tímar hjá Sjálfstæðisflokknum Ekki ákveðið hvort hún ætli í varaformanninn ef hún tapar Ýmislegt hægt að lesa í mætingu á fund Áslaugar „Afar miður“ að sjá breytta afstöðu Bandaríkjanna í hinseginmálum Fimmtungsfjölgun íbúa í Vogum á síðasta ári Hefð fyrir ungum formönnum en ekki konum Sjá meira
Karlmaður um þrítugt skaut hjón á Blönduósi á heimili þeirra á sunnudagsmorgun. Konan lést og eiginmaður hennar liggur alvarlega særður á sjúkrahúsi. Skotárásarmaðurinn lést einnig á vettvangi. Flókin rannsókn Páley Borgþórsdóttir, lögreglustjóri á Norðurlandi eystra, sem fer með rannsókn málsins, ræddi við blaðamenn á skrifstofu hennar á lögreglustöðinni á Akureyri í dag. Var þetta í fyrsta skipti sem hún gaf kost á viðtali við vegna rannsóknar málsins. Hún segir grófa mynd komin á atburðarásina umrædda morgun. Frá vettvangi árásarinnar á Blönduósi.Vísir „Rannsóknin er flókin og snertir marga þætti. Við erum að reyna að upplýsa um málsatvik, aðdraganda, saknæmi, gáleysi eða ásetning, stöðu og hagi aðila og margt fleira. Við erum að afla gagna og enn höfum við ekki fengið öll þau gögn sem við þurfum til að geta staðreynt eitthvað um málsatvikin,“ sagði Páley í samtali við fréttastofu. Stoðdeild lögreglunnar á höfuðborgarsvæðinu aðstoðar við rannsóknina, ásamt tæknideild og rannsóknardeild hennar. „Enn liggur ekki fyrir endanleg niðurstaða í vettvangsrannsókn og fleiri atriðum. Við erum enn að bíða eftir niðurstöðu réttarkrufningar og fleira. Þannig að á þessu stigi er erfitt fyrir okkur að gefa upplýsingar sem við getum staðið við um nákvæmleg málsatvik,“ sagði Páley sem gat annars lítið gefið upp um nánari gang rannsóknarinnar. Tjáir sig lítið um málsatvik Páley getur ekki tjáð sig um ýmis atriði tengd rannsókn málsins, svo sem hvort ljóst sé hvernig árasármaðurinn komst inn á heimili hjónanna, hvort ljóst sé hvar hann hafi nálgast skotvopnið sem var beitt eða hversu margir hafi stöðu sakbornings í málinu. Páley segir þó einhverja hafa stöðu sakbornings í málinu en á mánudaginn var einum sakborningi sleppt úr haldi. Ekki var gerð krafa um gæsluvarðhald á hendur viðkomandi. Samfélagið á Blönduósi er í áfalli vegna málsins og hafa margir leitað sér áfallahjálp sem í boði hefur verið.Vísir Komið hefur fram að lögregla hafi haft afskipti af manninum fyrr í sumar, eftir að hann hafði í hótunum við fólk vopnaður skotvopni. Rannsókn málsins nær einnig til þess atburðar að sögn Páleyjar. „Eins og ég nefndi áðan þá erum við að rannsaka aðdraganda þessa máls og rannsóknin lítur því einnig að því hvernig það bar allt að,“ segir Páley. Skilur gagnrýni á skort á upplýsingagjöf Komið hefur fram gagnrýni á upplýsingagjöf lögreglunnar á Norðurlandi eystra til almennings vegna málsins. Hún hefur, þar til nú, verið í formi tveggja stuttorðaðra færslna á Facebook. Sjálf hefur Páley ekki gefið kost á viðtali fyrr en í dag, þrátt fyrir ítrekaðar beiðnir fréttastofu. Helgi Gunnlaugsson, prófessor í afbrotafræði, benti á í hádegisfréttum Bylgjunnar í vikunni að þegar stór áföll á borð við það sem átti sér staða á Blönduósi um helgina, væri mikilvægt að lögregla miðli upplýsingum til almennings, ella væri hætta á því að villandi upplýsingar kæmust í umræðuna. Páley segist skilja þessa gagnrýni en segir að í raun hafi lögreglan ekki haft neinu nýju við að bæta umfram þær upplýsingar sem lögregla veitti á fyrstu stigum málsins. „Ég er að mörgu leyti sammála Helga. Það er mikilvægt að lögreglan tjái sig um mál. Í þessu máli þá voru komnar miklar upplýsingar frá lögreglunni á fyrsta degi, mjög miklar upplýsingar sem lágu strax fyrir um atvik. Það sem er áríðandi fyrir okkur er að upplýsa almenning um er að það sé búið að tryggja öryggi allra borgara og slíkt. Það var gert nokkuð vel. Við höfðum engu nýju við að bæta varðandi rannsóknina sjálfa.“ Hún segir lögregluna ekki geta tjáð sig um hluti sem séu til skoðunar, „Þú heyrir á mínum svörum hérna að þá getum lítið upplýst um málsatvikin. Ég hef alveg skilning á að fólk vill vita. Til þess erum við að rannsaka málið. Þannig að það sé hægt að segja hvað gerðist. Við erum ennþá að reyna að komast að því nákvæmlega hvað gerðist. Þannig að það er eðlilega ekki hægt að tjá sig um hluti sem eru til skoðunar og við tjáum okkur ekki um getgátur eða neitt slíkt,“ sagði Páley. Kollegi Páleyjar, Birgir Jónasson, lögreglustjórinn á Norðurlandi vestra, hefur einnig gagnrýnt að fyrirkomulag rannsóknar málsins sá á þá leið að lögreglan á Norðurlandi eystra rannsaki málið. Er það samkvæmt reglugerð sem er í gildi sem kveður á um að lögreglan á Norðurlandi eystra rannsaki kynferðisbort og manndrápsmál í umdæmi lögreglunnar á Norðurlandi vestra. Hefur Birgir sagt að lögreglan í hans umdæmi sé í stakk búinn til að sinna slíkum rannsókn og vill hann að reglugerðinni verði breytt. Páley segir ekki tímabært að ræða slíkar breytingar. „Þetta er bara gildandi skipulag samkvæmt lögum sem við vinnum eftir. Það eru málefnanleg rök, bæði með og á móti. Ég hef alveg skilning á því að þetta sé rætt en þetta er ekki tímabært á þessu stigi.“
Lögreglumál Manndráp á Blönduósi Lögreglan Húnabyggð Mest lesið Ýmislegt hægt að lesa í mætingu á fund Áslaugar Innlent Stærsta kristal-amfetamínmál sögunnar: Sagði bílinn fluttan inn vegna kvikmyndaverkefnis Innlent „Já, líklega hef ég verið undrabarn“ Innlent Áslaug ætlar í formanninn Innlent Allir starfsmenn VG missa vinnuna seinna á árinu Innlent Sleðar bannaðir á opnunartíma: „Leið eins og maður væri ekki velkominn“ Innlent Enginn megi vera krýndur formaður Innlent Byssumaðurinn hafi miðað á aðra í hópnum Innlent Musk birtist óvænt og ávarpaði samkomu fjarhægrimanna Erlent Þarf að taka fjölskylduna inn í myndina Innlent Fleiri fréttir Endurgreiðsla sem jafngildi gjaldþroti og íbúafundur Fyrrverandi bæjarstjóri verður framkvæmdastjóri þingflokks Kærði lögregluna en málið ekki rannsakað af öðrum en lögreglunni Borgarstjóri tók við tæplega 3000 undirskriftum vegna Álfabakka Ráðherra hringdi í skólastjóra vegna týnds skópars Kristrún upplýst um fundinn með skömmum fyrirvara Óhapp á Reykjavíkurflugvelli og flugbraut lokað Óvíst hvenær fundað verður aftur Engin leit í gangi að leðurblökunni Styrkjamálið vindur upp á sig Þáðu líka styrk án réttrar skráningar Gerði ekki samkomulag við Þórdísi um formannsframboðið Vísir á vettvangi: Formannsefnið sem á „erindi við breiddina, en ekki bara Mjóddina“ Fann að eitthvað væri á seyði þegar hann skoðaði efnin Bíða þess að samningur um neyslurými verði endurnýjaður Notendur ADHD-lyfja aldrei fleiri og kostnaðurinn aldrei meiri Neitaði að yfirgefa öldurhús og sparkaði í lögreglumann „Það eru mikil tíðindi að verða í íslenskum stjórnmálum“ Leðurblaka flögrar um Hlíðarnar Harður árekstur á Miklubraut Ekkert ökklaband fyrir brot á nálgunarbanni þrátt fyrir fyrirmæli ríkissaksóknara Áslaug hafi þennan „x-factor“ Laugin muni ekki opna fyrr en í fyrsta lagi seinnipart mánudags Eldur á Álfhólsvegi Ekkert bólar á ökklaböndum og nýir tímar hjá Sjálfstæðisflokknum Ekki ákveðið hvort hún ætli í varaformanninn ef hún tapar Ýmislegt hægt að lesa í mætingu á fund Áslaugar „Afar miður“ að sjá breytta afstöðu Bandaríkjanna í hinseginmálum Fimmtungsfjölgun íbúa í Vogum á síðasta ári Hefð fyrir ungum formönnum en ekki konum Sjá meira
Stærsta kristal-amfetamínmál sögunnar: Sagði bílinn fluttan inn vegna kvikmyndaverkefnis Innlent
Stærsta kristal-amfetamínmál sögunnar: Sagði bílinn fluttan inn vegna kvikmyndaverkefnis Innlent