Hiti gæti náð sau­tján stigum á Suður­landi

Á vef Veðurstofunnar segir að hiti gæti náð fimmtán til sautján stigum á Suðurlandi en svalast verður á norðanverðum Vestfjörðum og austantil á Norðausturlandi. Á þeim slóðum nær hitinn vart tíu gráðum í dag.

Síðan er útlit fyrir hæglætisveður næstu daga þar á eftir og milt að deginum. Víða þurrt en sums staðar gæti orðið vart við nokkra dropa.

Veðurhorfur á landinu næstu daga

Á laugardag: Hæg breytileg átt og víða bjartviðri, en norðaustanstrekkingur og skýjað með suðausturströndinni. Hiti 8 til 15 stig, hlýjast suðvestantil.

Á sunnudag: Breytileg átt, 3-8 m/s og víða bjartviðri, en skýjað sunnan- og vestanlands. Hiti 10 til 16 stig.

Á mánudag: Hægviðri og skýjað að mestu, en suðvestangola á Vestfjörðum. Hiti 7 til 15 stig, svalast nyrst.

Á þriðjudag og miðvikudag: Breytileg átt og líkur á smávætu í flestum landshlutum. Áfram milt í veðri.

Á fimmtudag: Útlit fyrir suðvestalæga átt með svipuðu veðri áfram.