Núñez: „Ég skil ekki orð af því sem Klopp segir“

Núñez segist hafa átt í erfiðleikum við að aðlagast nýjum veruleika í Liverpool-borg. Enskukunnáttan hjálpi ekki til.

„Í sannleika sagt skil ég ekki orð af því sem hann [Klopp] segir,“ sagði Núñez.

„Ég spyr auðvitað liðsfélaga mína eftir fundina, og ég held að hann sé mjög skýr þegar kemur að leikstíl. Hann biður okkur um að gera einfalda hluti, að mæta ekki hræddir til leiks og að hafa sjálfstraust,“ segir Úrúgvæinn.

Núñez segist þá hafa lært af rauðu spjaldi sem hann fékk í öðrum deildarleik tímabilsins, gegn Crystal Palace. En þá skallaði hann Joachim Andersen, leikmann Palace. Að launum fékk hann þriggja leikja bann og var því neyddur til þess að sitja á hliðarlínunni.

„Það var mjög erfiður tími. Ég var í banni í þrjá leiki og veit að ég gerði stór mistök, en nú er ég meðvitaðri og það mun ekki gerast aftur,“

„Hreinskilningslega hefur verið erfitt að aðlagast, en ég hef trú á því, að eftir því sem ég æfi meira og spila meira, muni ég komast betur inn í hlutina. Ég hef stuðning liðsfélaga minna,“ segir Núñez.

Framherjinn kostaði 85 milljónir punda þegar Liverpool keypti hann frá Benfica í sumar. Hann hefur ekki staðið undir verðmiðanum það sem af er. Hann skoraði fyrir Liverpool í Samfélagsskildinum og í fyrsta deildarleik tímabilsins gegn Fulham.

Bann í deildinni tók við eftir leikinn við Crystal Palace sem fylgdi þar á eftir en frá markinu gegn Fulham hefur hann ekki skorað mark í síðustu sex leikjum í öllum keppnum.