Innlent

Fönguðu lifandi leðurblöku

Tryggvi Páll Tryggvason skrifar
Umrætt leðurblaka, af tegundinni trítilblaka.
Umrætt leðurblaka, af tegundinni trítilblaka. Mynd/Náttúrustofnun Austurlands.

Leðurblaka, svokölluð trítilblaka, fannst um borð í skipi á veiðum djúpt suðaustur af Íslandi í síðustu viku. Skipverjar fönguðu hana lifandi og komu til Náttúrustofu Austurlands.

Í frétt á vef Náttúrustofunnar segir að leðurblakan hafi verið í andarslitrunum þegar komið var að landi. Er þetta í fjórða sinn frá árinu 2014 sem tilkynning um leðurblöku berst Náttúrustofunni. 

Leðurblökur þrífast ekki á Íslandi en engu að síður hafa nokkrar leðurblökur af tegundinni trítilblökur fundist hér á landi.

Heimkynni tegundarinnar eru aðallega í austanverðri Evrópu. Þá er vakin athygli á því að uppstoppa trítilblöku megi finna á Náttúrugripasafninu í Neskaupstað. Hún barst til landsins árið 2014.

Dýr Sjávarútvegur Múlaþing Fjarðabyggð

Mest lesið


Fleiri fréttir

Sjá meira


×

Mest lesið