Hnuplað úr verslunum og kveikt í ruslatunnum

Lögregla sinnti þremur útköllum vegna þjófnaða.

Um klukkan 18 var kona stöðvuð þegar hún var að yfirgefa verslun í póstnúmerinu 107, þar sem hún reyndist vera með vörur á sér sem hún hafði ekki greitt fyrir. Greindi starfsmaður lögreglu frá því að konan hefði ítrekað verið staðin að þjófnaði og sagðist myndu senda lögreglu upplýsingar.

Í miðborginni var tilkynnt um þjófnað úr verslun um klukkan 21. Þar var 17 ára piltur stöðvaður þegar hann var að yfirgefa verslunina með ógreiddar vörur. Málið var unnið með forráðamanni og tilkynning send til barnaverndar.

Klukkan 4 um nóttina var síðan tilkynnt um innbrot og þjófnað á veitingastað í póstnúmerinu 108. Var maður handtekinn á vettvangi og vistaður í fangageymslum.

Rétt fyrir klukkan 20 var tilkynnt um eld í bekk nærri Álftamýraskóla. Ungir krakkar höfðu verið að kveikja eld í rusli við trébekk og eldurinn færst yfir í bekkinn. Íbúar í nágrenninu komu með vatn í fötu og slökktu eldinn að mestu en slökkvilið kom svo og kláraði verkið.

Síðar um nóttina kom upp eldur í ruslatunnu við sjúkrahús og slökktu lögreglumenn eldinn með handslökkvitæki úr bifreið sinni.

Nokkrir voru stöðvaðir í höfuðborginni vegna umferðarlagabrota af ýmsu tagi.