Kona lést í troðningi á tónleikum í London

Um var að ræða tónleika nígeríska tónlistarmannsins Asake. Lögregluyfirvöld greina frá því að örtröð hafi myndast við inngang O2-hallarinnar eftir að hópur fólks ruddist inn án miða. Sú látna lést skömmu eftir flutning á spítala. 

Tónleikum Asake lauk eftir flutning þriggja laga. Í yfirlýsingu frá tónlistarmanninum segir hann að hugur og hjarta sitt sé hjá hinum slösuðu. Hann kveðst búinn að hafa samband við fjölskyldu þeirra slösuðu. 

Rannsókn lögreglunnar stendur nú yfir og notast lögreglan við myndbönd af atvikinu sem eru í dreifingu á samfélagsmiðlum.