Saga Matthildur mætt á Íslenska listann

Dóra Júlía Agnarsdóttir skrifar 25. febrúar 2023 17:00

Saga Matthildur sigraði Idolið og er mætt á Íslenska listann á FM957.

Idol stjarnan Saga Matthildur er mætt inn á Íslenska listann á FM957 með Idol lagið Leiðina heim. Lagið var kynnt inn sem líklegt til vinsælda í síðustu viku og er nú komið í 18. sæti listans.

Hér má heyra Leiðina heim:

Er þetta fyrsta lag sem söngkonan sendir frá sér eftir að hafa borið sigur úr býtum í Idol seríu Stöðvar 2.

Herra Hnetusmjör og Friðrik Dór eru svo komnir í fyrsta sæti listans með nýjasta lagið sitt Vinn við það sem var einmitt frumflutt í undanúrslitaþætti Idol. Lagið sat í fimmta sæti í síðustu viku og hefur nú komið sér vel fyrir á toppnum.

Miley Cyrus er því komin niður í þriðja sæti eftir nokkrar vikur á toppnum en Metro Boomin’, The Weeknd og 21 Savage sitja staðfastir í öðru sæti með lagið Creepin’.

Íslenski listinn er fluttur alla laugardaga á milli 14:00 og 16:00 á FM957.

Lög Íslenska listans:

Íslenski listinn á Spotify:

FM957 Íslenski listinn Tónlist Idol

Tengdar fréttir

„Erfitt að vera berskjölduð en ég hef gott af því“

Hin 24 ára gamla Saga Matthildur kom, sá og sigraði Idolið í ár með einstakri rödd sinni og einkennandi dulúð. Frá barnæsku dreymdi hana um að vinna við tónlist en lífið þvældist þó fyrir, sem fékk hana til að missa trúna á sjálfri sér um tíma. Hún hefur nú sigrast á ýmsum hindrunum og er að eigin sögn rétt að byrja. Blaðamaður settist niður með Sögu Matthildi og fékk nánari innsýn í líf hennar og listsköpun.

19. febrúar 2023 10:02

Herra Hnetusmjör og Friðrik Dór í topp fimm

Það má með sanni segja að Herra Hnetusmjör og Friðrik Dór séu með þekktari tónlistarmönnum okkar Íslendinga en síðasta samstarfsverkefni þeirra var lagið Vinn við það. Lagið var kynnt inn sem líklegt til vinsælda á Íslenska listanum á FM957 í síðustu viku og hefur nú stokkið beint í fimmta sæti listans.

18. febrúar 2023 17:00

Miley Cyrus braut blað í sögu Spotify

Tónlistarkonan Miley Cyrus er mætt á Íslenska listann á FM með lagið sitt Flowers. Lagið var kynnt inn sem líklegt til vinsælda í síðustu viku og er nú komið í 16. sæti listans.

28. janúar 2023 17:00