Hafa rætt við alla aðila máls vegna hnífstungu í Glæsibæ

Hallgerður Kolbrún E. Jónsdóttir skrifar 6. mars 2023 10:44

Árásin varð í bílakjallara í Glæsibæ á laugardag. Vísir/Vilhelm

Lögreglan á höfuðborgarsvæðinu hefur náð tali af öllum sem tengjast hnífstunguárás í bílakjallara í Glæsibæ í Reykjavík á laugardag. Ekki hefur verið farið fram á gæsluvarðhald yfir neinum vegna málsins.

Þetta staðfestir Ásmundur Rúnar Gylfason, aðstoðaryfirlögregluþjónn hjá lögreglunni á höfuðborgarsvæðinu, í samtali við fréttastofu. Hann segir málið enn til rannsóknar.

Greint var frá því síðdegis í gær að lögreglan leitaði enn karlmanns á þrítugsaldri í tengslum við árásina sem varð um miðjan dag á laugardag. Fjórir menn voru á vettvangi þegar átök brutust út en tveir flúðu þaðan áður en lögreglu bar að garði. Mikill viðbúnaður var í Laugardal í kjölfarið og sérsveit ríkislögreglustjóra kölluð út.

Hníf var beitt við árásina en meiðsli þess sem var fluttur á slysadeild voru ekki alvarleg og maðurinn útskrifaður fljótlega.

Lögreglumál Reykjavík

Tengdar fréttir

Árásarmaðurinn hvattur til að gefa sig fram

Lögreglan á höfuðborgarsvæðinu leitar enn karlmanns á þrítugsaldri í tengslum við líkamsárás í bílakjallara í Glæsibæ í Reykjavík í gær. Alls voru fjórir menn á vettvangi þegar átök brutust út. Tveir flúðu af vettvangi en annar þeirra er kominn í leitirnar.

5. mars 2023 13:51

Árásarmaðurinn ófundinn og lögregla íhugar að lýsa eftir honum

Maðurinn sem grunaður er um hnífstunguárás við Glæsibæ í Reykjavík í gær er enn ófundinn, samkvæmt upplýsingum frá lögreglu á höfuðborgarsvæðinu. Lögregla veit deili á manninum og íhugar nú að lýsa eftir honum.

5. mars 2023 11:52

Árásin við Glæsibæ var hnífsstunguárás

Líkamsárás sem framin var við Glæsibæ fyrr í dag var hnífsstunguárás. Lögreglan á höfuðborgarsvæðinu hefur leitað gerandans í Laugardalnum í dag ásamt sérsveit Ríkislögreglustjóra.

4. mars 2023 19:10

Mest lesið

Fleiri fréttir