Íslenski boltinn

Þróttur fær banda­rískan mið­vörð

Runólfur Trausti Þórhallsson skrifar
Nýjasti leikmaður Þróttar.
Nýjasti leikmaður Þróttar. Northeastern-háskólinn

Þróttur Reykjavík hefur sótt miðvörð fyrir komandi tímabil í Bestu deild kvenna í fótbolta. Sú heitir Mikenna McManus og kemur frá Bandaríkjunum.

Hin 23 ára gamla McManus spilaði með Northeastern-háskólanum í bandaríska háskólaboltanum og færði sig þaðan yfir til Chicago Red Stars í NWSL-deildinni.

Þar kom McManus aðeins við sögu í einum leik á síðustu leiktíð. Hún ákvað því að leita á ný mið og mun leika í Bestu deild kvenna í sumar.

Þróttur endaði í 4. sæti Bestu deildar kvenna á síðustu leiktíð. Fyrsti leikur liðsins í ár er gegn FH þann 26. apríl næstkomandi en Besta deild kvenna hefst degi fyrr með stórleik Vals og Breiðabliks.

Fótbolti Íslenski boltinn Þróttur Reykjavík Besta deild kvenna

Mest lesið


Fleiri fréttir

Sjá meira


×

Mest lesið