Innlent

Gul við­vörun á Aust­fjörðum á fimmtu­daginn

Bjarki Sigurðsson skrifar
Frá Fjarðarheiði milli Egilsstaða og Seyðisfjarðar fyrr í dag.
Frá Fjarðarheiði milli Egilsstaða og Seyðisfjarðar fyrr í dag. Vísir/Sigurjón

Gul viðvörun tekur á ný gildi á Austfjörðum á fimmtudaginn vegna snjókomu. Verður hún í gildi í heilan sólarhring. 

Búist er við talsverðri eða mikilli snjókomu eða skafrenning með þungri færð og lélegu skyggni á tímabilinu. Veðurstofan segir miklar líkur vera á samgöngutruflunum. 

Mikil snjóflóðahætta er á svæðinu og er hættustig í gildi á Eskifirði, Seyðisfirði og í Neskaupstað. Þá er rýming enn í gildi og sagði Víðir Reynisson, yfirlögregluþjónn almannavarna, við fréttastofu fyrr í dag að ekki væri útlit fyrir að þeim yrði aflétt á næstunni. 

Veður Snjóflóð í Neskaupstað Snjóflóð á Íslandi

Mest lesið


Fleiri fréttir

Sjá meira


×

Mest lesið