Hiti að tíu stigum en víða nætur­frost

Í hugleiðingum veðurfræðings segir að það verði rigning með köflum austan- og suðaustanlands og stöku skúr á Suðurlandi seinni partinn.

Í öðrum landshlutum verður að mestu léttskýjað en þó einhver þokuslæðingur til fjalla framan af degi um norðanvert landið. Hiti á bilinu fjögur til tíu stig en víða næturfrost.

Veðurhorfur á landinu næstu daga

Á föstudag: Norðlæg eða breytileg átt, yfirleitt 5-10 m/s. Dálitlar skúrir eða él á Norður- og Austurlandi og hiti um eða yfir frostmarki, en víða bjartviðri sunnanlands með 4 til 10 stiga hita yfir daginn.

Á laugardag: Hæg breytileg átt og bjart með köflum, en vaxandi austanátt og þykknar upp sunnantil eftir hádegi. Hiti 3 til 10 stig að deginum, hlýjast á Suður- og Vesturlandi.

Á sunnudag: Austan og suðaustan 8-15 og rigning en lengst af þurrt á Norðurlandi. Bætir í úrkomu suðaustantil seinni partinn. Hiti 4 til 11 stig.

Á mánudag: Sunnanátt og rigning með köflum, en að mestu bjart norðaustanlands. Hiti breytist lítið.

Á þriðjudag: Suðlæg átt og skúrir, en yfirleitt bjart um landið norðaustanvert. Hlýtt í veðri.

Á miðvikudag: Útlit fyrir suðaustlæga átt og skýjað, en bjartvirði norðantil.