Skúrinn - Næsti flytjandi kynntur til sögunnar

SS 13. apríl 2023 10:45

Hljómsveitinn Sæborg er annar flytjandinn sem er kynntur til sögunnar í Skúrnum.

Skúrinn hóf göngu sína á Vísi fyrr í vikunni en þar keppa sex flytjendur um bestu nýju útgáfuna af gamla góða SS pylsulaginu auk þess sem þeir flytja einnig frumsamið lag.

Í öðrum þætti Skúrsins er hljómsveitin Sæborg kynnt til sögunnar. Hana skipa þeir Pétur Gunnar gítarleikari, Kári Jó bassaleikari og Gísli Þór söngvari sem eru bestu vinir og hafa spilað saman í mörg ár.

Klippa: Skúrinn - Leitin að bestu nýju útgáfunni af SS pylsulaginu. Annar þáttur.

Þeir félagar segjast upphaflega hafa ætlað að senda inn popp-rokk útgáfu af SS pylsulaginu en grunaði að fleiri flytjendur myndu gera það sama. „Kári átti þá hugmyndina að fara í pönk áttina. Við prófuðum það og einhvern veginn meikaði það strax sens. Okkur finnst við vera að hamra inn mikilvægi pulsunnar í þessu lagi. Að öll áleggin skipta máli og hvað þau eru mörg og mismunandi, eins og fólkið sem að elskar SS pylsur.“

Frumsamda lag sveitarinnar heitir Fljóta með. „Titill lagsins getur þýtt ýmislegt,“ segir Pétur. „Fyrir mér fjallar það um það sem við erum öll að gera, sem er að reyna að finna okkur stað og tilheyra einhverju og einhverjum.“

Í fyrstu sex þáttunum eru flytjendurnir kynntir til sögunnar og spilað brot úr útgáfu þeirra af SS pylsulaginu og frumsamda laginu. Í seinni umferð verða lokaútgáfur laganna kynntar og eftir síðasta þáttinn verður kosið um bestu nýju útgáfu SS pylsulagsins og um besta frumsamda lagið.

Næstu daga verða fleiri keppendur kynntir til sögunnar.

Að loknum sjötta þætti seinni umferðar munu lesendur Vísis og dómnefnd velja besta nýja SS pylsulagið. Sigurvegarinn hlýtur að launum tvær milljónir króna, annað sætið hlýtur eina milljón og þriðja sætið fimm hundruð þúsund. Til viðbótar hljóta höfundar besta frumsamda lagsins eina milljón króna.

Skúrinn Tónlist